بیر ییل آلدن اسلامی امارت و سابق حکومت کوچلری آره‌سیده‌گی آتیشمه‌لر نتیجه‌سیده، کمینج منطقه‌ده‌گی کوپریک و غور-هرات قتناو یولی نینگ بعضی بولیم لری بوزیلیب یوک تاشووچی و یولاوچی تاشوو موتر نینگ اوتیب- قیتیشی یوزیگه کیسیلگن ایدی. بیراق اسلامی امارت نینگ قدرت گه ایریشگنی بیلن، اوشبو قتناو یول و «کمینج» منطقه‌ده‌گی کوپریک نینگ قیته توزه‌تیش اوچون سعی و حرکتلر باشلنگن.
مذکور قتناو یول هیداوچیلریدن قطاری نینگ ایتیش‌لریچه، اسلامی امارت مسئوللری اوشبو یول نینگ بوزیلگن بولیم‌لری و کوپریک نینگ قیته توزه‌تیلیشی اوچون یولاوچی تاشووچی و یوک تاشووچی موترلردن ۱ مینگ‌دن الی ۱۰ مینگ افغانی توپله‌ٔگنلر.
غور_هرات قتناو یولیدهگی هیداوچیلردن سید‌ولی نینگ ایتیشیچه: «بیزلردن ۱ مینگ افغانیدن آلدیلر؛ لیکن بیزلردن ۲ یا-ده ۳ مینگ افغانی آلسه‌یدیلر هم بیزلر بو پول نینگ بیریش گه حاضر ایدیک، چونکه قتناو یول نینگ آچیشلری بیلن کوپینچه آسایشته‌لیک کیلگن و اگر بایند توغانیدن هم کیتسه‌ک حاضر ایسه قار بار و قییش موسمی‌ده هیچ امکانی یوق. بو یول هم یقین و هم آسان.»
بیزلرنینگ فیسبوک صحیفه‌میزگه باش اورینگ!
شونینگدیک غور_هرات قتناو یولیدهگی هیداوچیلردن باشقه بیری سراج‌الدین نینگ ایتیشیچه: «یوک تاشووچی موتر نینگ هربیریدن ۱۰ مینگ افغانی پول آلیب و غور_هرات قتناو یولی نینگ قیته توزه‌تیلیشی نی ایتدیلر، بو کوپریک اونملی دیر و بو کوپریک‌دن اوتیش کوپ قیین دیر و حاضرگچه هم بو کوپریک توزه‌تیلمه‌گن.»
غور-هرات یولاوچی تاشووچی شرکت‌لر مسئوللری و یولاوچیلردن قطاری اسلامی امارت مسئوللری نینگ بو اقدامی نی خوش قرشی‌لب و ایتیش‌لریچه، قتناو یول و «کمینج» منطقه کوپریگی نینگ توزه‌تیش بیلن اولر اوچون کوپیچه آسایشته‌لیکلر یره‌تیلگن.
بیزلرنینگ توییترده هم تعقیب قیلینگ!
غور_هرات قتناو یولیدهگی یولاوچیلردن احمد نینگ ایتیشیچه: «بیزلر اسلامی امارت نینگ بو ایشیدن کوپ خورسندمیز. بعضی ییرلر گه اوستیگه ایش باشلنگن و کوپریک حاضرگچه بوزیق دیر و قیته توزه‌تیلیشی کیره‌کو»
شونده‌ی بیرحالده، غور معلومات و مدنیت ریاست رئیسی عبدالحی زعیم نینگ ایتیشیچه، اسلامی امارت هیداوچیلر و اوشبو ولایت فواید عامه ریاستی نینگ مالی یاردمی بیلن ۴ یاریم میلیون افغانیدن آرتیق توپلب و «کمینچ» منطقه نینگ کوپریگی و غور-هرات قتناو یولیده بوزیلگن بولیم‌لر نی قیته توزه‌تیلیشی اوچون قوللنه‌دیلر.
جناب زعیم گه کوره، کمینج منطقه‌سیده‌گی کوپریک نی توزه‌تیش ایشی اوچون یالغیز ایکی میلیون افغانی هزینه ایتیلگن که اوشبو هزینه مذکور ولایت فواید عامه ریاستی آرقلی تولنگن.
«کمینج» منطقه‌سیده‌گی کوپریک غور- هرات قتناو یولیده و جام دره‌سیده موقعیت بار. بوندن آلدین، یولاوچی تاشووچی و یوک تاشووچی موترلر کوپینچه فاصله‌‌لیک بولگن «بایند» توغانی یولیدن کوپ قیین‌چیلیک بیلن اوتیب- قیته‌ر ایدیلر.
