ایتالیا حکومتی مکتبلرده «بورقه» و «نقاب» اورهشنی تقیقلش، صنفلردهگی خارجلیک اوقووچیلر سانینی چیکلش همده ایریم خارجلیک اوقووچیلرنینگ آته-آنهلریگه ایتالیا تیلینی اورگنیش مجبوریتینی یوکلشنی ریجهلشتیرماقده. بو قرار، ایتالیا باش وزیری جورجیا میلانی تامانیدن آلینگن.
ییتکرمهلرنینگ معلوماتیگه کوره، تیگیشلی چاره یقین آرهده حکومت ییغیلیشیده تقدیم ایتیلهدی. اونگه کوره، هر بیر صنفده تعلیم آلیشی ممکن بولگن خارجلیک اوقووچیلر سانیگه محدودیت کیلتیریلهدی.
شونینگدیک، مکتب تیزیمیگه ماسلشیشده جدی قیینچیلیکلر گه دوچ کیلهیاتگن خارجلیک اوقووچیلرنینگ آته-آنهلری ایتالیا تیلینی اورگنیشی طلب قیلینهدی. ایتالیا باش وزیرینینگ ایتیشیچه، صنفده ایتالیا تیلینی توشونمهیدیگن بیته اوقووچی بولسه، او صنفداشلری و اوقیتووچیلری یاردمیده تیلنی تیز اورگنیشی همده تعلیم محیطی گه ماسلشیشی ممکن.
میلانی شونینگدیک، مکتب گه اوقووچیلر یوزینی آچیق حالده باریشی کیرهکلیگینی تأکیدلهگن. اونینگ سوزلریگه کوره، ایتالیاده هیچ کیم حقیقی یا کی اویلب تاپیلگن عنعنه بهانهسیده یاش عیال یوزینی یاپیشی کیرهک دیگن قرار گه کیله آلمهیدی.
معلوماتلر اساسیده، حاضرگی کونده ایتالیا مکتبلریده تحصیل آلهیاتگن اوقووچیلرنینگ ۱۱.۶ فایزینی خارجلیک فقرا تشکیل ایتهدی.
ایسلهتیب اوتهمیز، اولراق آسترالیاده ینگی اوقوو ییلی باشلنیشی بیلن، ۱۴ یاشگه تولمهگن قیزلرنینگ مکتبلرده حجاب و باشقه عنعنوی روماللرنی اورهشی تقیقلنگنی حقیده خبر بیریلگن ایدی.
