بدخشان معارف ریاستی مسئوللرینینگ ایتیشیچه، بو ولایت یاوان تومنیده اورته مکتبنینگ قوریلیشی باشلنگن.
بدخشان معارف ریاستینینگ مطبوعات مسئولی عبدالغنی عابدی، اوشبو مکتب ولایتنینگ یاوان تومنیده ایکی جریب میدانده قوریلیشینی معلوم قیلگن.
عابدی قوشیمچه قیلیب ایتیشیچه، اوشبو مکتب اوچون سکیزته صنف، اداره خانه و باشقه ضرور امکانیتلر کوزده توتیلگن. بدخشان معارف ریاستی مطبوعات مسئولینینگ ایتیشیچه، بو مکتب ایکی میلیون افغانی مبلغ عوضی گه قوریلیب و یاوان تومنی اهالیسی تامانیدن توللنیلهدی.
بدخشان معارف ریاستی بوندن آلدین، اوشبو ولایتده ۲۸۵ ته مکتبنینگ بناسی یوقلیگنی معلوم قیلگن ایدی. مکتبلر، اوقوو واسطهلری و مسلکی اوقیتووچیلرنینگ آزلیگی افغانستان تعلیم تیزیمینینگ اینگ مهم قیینچیلیکلریدن حسابلنه دی. سونگی ییللرده ایریم ولایتلر اهالیسی مکتبلر قوریش و مکتب اوچون ییر اجرهتیش بیلن بو معمالرنی کمهیتیریشگه سعی-حرکت قیلیب کیلگنلر.
