بامیان محلی مسئوللری نینگ ایتیش‌لریچه، اوتگن کیچه‌دن بویان قار یاغیشی و بوران باعث اوشبو ولایت پنجاب و یکاولنگ تومن‌لری آره‌سیده‌گی «شاتو» کوتل ساحه‌سیده غور- بامیان و دایکندی بامیان قتناو یوللری باغلنگن. مسئوللر گه کوره، شونینگدیک ورس و پنجاب تومن‌لری نینگ بامیان مرکزی بیلن قتناو یولی باغلنگن.
بامیان معلومات و مدنیت ریاست رئیسی سیف‌الرحمان، اوشبو ولایت نینگ فواید عامه ریاست مسئوللریدن نقل قیلیب ایتیشیچه، شونینگدیک بوران باعث کابل-بامیان قتناویولی میدان‌وردک قتناو یولیده جایلشگن «حاجی‌گک کوتلی» ده باغلنگن.
بیزلرنینگ فیسبوک صحیفه‌میزگه باش اورینگ!
شونینگدیک بامیان فوایدعامه ریاستی بیر اطلاعیه ترقه‌تیب ایتیشیچه، اوتگن کیچه‌دن بویان کوتل شاتو، پنجاب-آبقول کرمان، پُل بندشوی_ورس، کوتل اقراباط و کوتل حاجی‌گک قار یاغیش و بوران باعث باغلنگن.
اطلاعیه‌ده کیلیشیچه، مذکور یوللرنینگ آچیلیشی اوچون سعی و حرکتلرنینگ دوامی بار، بیراق قار و بوران اوشبو یوللرنینگ آچیلیشی نی قیین قیلگن.
باشقه بیرتاماندن، اوتگن کون شام چاغی بیر تیل تانکری بامیان-کابل قتناویولیده جایلشگن پایموری قیشلاغیده یولدن چیقیب چپه بولگن که نتیجه‌ده بیر کیشی هلاک و باشقه ایکی کیشی ایسه یره‌لنگن. بامیان محلی منبعلری مذکور حادثه سببی نی قار و یوللرنینگ موزلنگنی دیگنلر.
ایتیش کیره‌ک که، مملکت هواشناسلیک ریاستی اوتگن کون بیر اطلاعیه ترقه‌تیب ۱۳ و ۱۴- جدی سالنگلر شامل مملکت ۳۲ ولایتیده جدی قار و یامغیر یاغیشیدن خبر بیرگن.
