هرات-غور قتناو یولیده بند قالگن یولاوچی‌لردن بیرقطاری نینگ ایتیش‌لریچه، اوتگن کیچه دن بویان کمیده ۱۵۰ یولاوچی اوشبو قتناو یول نینگ، «بند بایان» منطقه‌سیده قلین قار یاغگنی سبب، بند قالگن‌لر و اولردن بیرقطاری باله‌لر و عیاللر دیر.
اولرنینگ ایتیش‌لریچه، تیزلیک بیلن یاردم صورت تاپمه‌گن صورتده، هوا ساووق‌لیگی سبب، یولاوچی‌لرنینگ دنیا دن اوتیش‌لری ممکن.
یولاوچی‌لرنینگ کوپه‌یتیریشیچه، اوچ کیچه و کندوز دن بویان یول یوریدی‌لر، لیکن قار یارغگنی سبب، حاضرگه‌قدر هم غور مرکزی‌گه ییتیشمه‌گنلر.
اولرنینگ ایتیشیچه، اوتگن کونی غور محلی مسوول‌لری بیلن تماس آلگنلر، بیراق حاضرگه‌قدرهیچ‌قنده‌ی یاردم صورت تاپمه‌گن.
مسافر تاشیووچی شرکت‌لر نماینده‌لری فضل‌الحق و فریداحمد نینگ ایتیشیچه، ۱۵۰ دن آرتیق یولاوچی و اونلرچه موتر غور-هرات قتناو یولی ده بند قالگن، لیکن دولت و قراردادی شرکت‌لر اوشبو یولنی آچیش اوچون هیچ‌قنده‌ی سعی و حرکت قیلمه‌گن.
غور محلی مسوول‌لری بوتوغریده فکر بیلدیرمه‌گنلر، بیراق فواید عامه وزیرلیگی سوزلاوچیسی نینگ اورین باسری اشرف حق‌شناس نینگ ایتیشیچه، مذکور قتناو یولنی آچیش اوچون ایش تیم‌لری محلگه یوباریلگن.
