بادغیس یشاوچی‌لریدن بیری نینگ سلام‌وطندارگه ایتیشیچه، تورموش اورتاغی (ایری) نینگ آنه‌سی آچلیک سبب، دنیا دن اوتگن.
بادغیس ولایتی نینگ جوند تومنی یشاوچیسی آمنه نینگ ایتیشیچه، او و عایله اعضالری ۴ آی آلدین طالبان هجومی سبب، جوند تومنیدن آواره بولیب فیروزکوه شهریگه کیلگن‌لر.
آمنه نینگ کوپه‌یتیریشیچه، تورموش اورتاغی نینگ آنه‌سی بیر کیچه آلدین آچلیک سبب، دنیا دن اوتگن.
آمنه ایکی کیچیک باله‌سی بیلن بادغیس مرکزی فیروزکوه شهریگه تیریک‌چلیک قیله‌دی. اونینگ ایتیشیچه، قیین آنه‌سی آچ‌لیکدن جان بیرگن، بیراق حاضرگه‌قدر هم هیچ‌کیم اولرگه یاردم بیرمه‌گن.
آمنه نینگ چکه‌سیده، اوروش‌لر سبب یوزلرچه عایله آواره بولیب فیروزکوه شهری نینگ خرابه‌لریگه تیریک‌چلیک قیله‌دیلر.
اولرنینگ حکومت دقت‌سیزلیگیدن تنقید قیلیب ایتیش‌لریچه، حکومت حاضرگه‌قدر آواره‌لرگه هیچ‌قنده‌ی یاردم بیرمه‌کن.
عین‌حالده، غور ولایتی بوییچه مهاجرلر اداره‌سی باشلیغی عبدالرووف غفوری نینگ ایتیشیچه، اوشبو اداره خیریه نهادلر یارمی بیلن آواره‌لرگه ییگولیک ماده توزیع قیلگن.
اونینگ ایتیشیچه، اوشبو اداره، جاری قویاش ییل باشلنگنیدن حاضرگه‌قدر ۳ مینگ عایله‌گه ییگولیک ماده توزیع قیلگن.