هرات ده چاروه‌چیلر و سوت محصولاتی نینگ ساته‌دیگنلردن قطاری، اوشبو ولایتده لبنیات ساتووچیلر اتفاقی آچیلگنی‌دن خورسند‌لیک قیلیب و ایتیشلریچه، اوشبو اتقاق ایشی نینگ باشلنیشی بیلن اولر گه آسایشته‌لیکلر یره‌تیلیب و سوت پروسیسی، سوت محصولاتی سقلنیشی و بازار بولیمی‌ده معلومات قولگه کیلتیرگنلر.
هرات ده سوت محصولاتی نینگ ساته‌دیگنلردن بیری محمدسلیم گه کوره، مذکور اتفاق سوت محصولاتی نینگ ساته‌دیگنلر بیلن چاروه‌چیلر آره‌سیده هماهنگ‌لیک یره‌تیب، اولر نینگ قیین‌چیلیکلری نی مسئوللر و نهادلر بیلن جریان گه قوییشی ممکن.
اونینگ کوپه‌یتیریشیچه: «اتفاق کوپینچه آسایشته‌لیکلر نی یره‌ته‌دی؛ قریب ۱۸۰-۱۹۰ کیشی هرات شهری‌ده اتفاق اعضاسی‌دن دیر و اولر بیزلر بیلن هماهنگ دیر و اوزی اتحاد و اتفاق دیر.»
بیزلرنینگ فیسبوک صحیفه‌میزگه باش اورینگ!
هرات ده سیگیر‌دارلردن بیری اسد‌الله حق‌دوست حاضر ایسه ۴۰ باش سوتلی سیگیر ایگه‌سی بولیب و کونده، ۴۰۰-۵۰۰ کیلوگرام سوت قولگه کیلیتره‌دی. او ماس بازار یوقلیگی نی بیان قیلیب، سرپرست حکومت‌دن او و باشقه سیگیردارلر گه سوت محصولاتی ساتیلیشی اوچون زمینه یرهتیلیشی نی ایسته‌گن.
اونینگ کوپه‌یتیریشیچه: «حاضرگی قیین‌چیلیگیمیز شو که سوت محصولاتی اوچون ماس بازار یوق. یعنی بیر کیلوگرام سوت ۲۵-۳۰ افغانی بیز گه توشه‌دی؛ بیراق ۲۰ افغانی گه بازار گه ساته‌میز. بازاری یوق. مسئوللردن بیزلر گه بازار یرهتیلیشی نی ایستهیمیز که کابل، نیمروز و بادغیس کبی ولایت‌لر گه سوت انتقال بیره آلسه‌ک.»
۲۲ ییل‌دن بیری سوت محصولاتی‌نی ساتیش بیلن شغللنگن مستوره نینگ ایتیشیچه، لبنیات ساتووچیلر اتفاقی عیاللر گه تعلیمی کارخانه‌لر آچیب، سوت پروسسی اوچون نیاز بولگن نرسه‌لر نینگ اولر اختیاری گه قوییشی کیره‌ک.
اونینگ کوپه‌یتیریشیچه: «اتفاق‌دن عیاللر ایشلب و تجربه‌لری نینگ کوپه‌یتیریشلری اوچون اولر گه ورکشاپ‌لر و باشقه بولیم‌لرده همکارلیک بولینیشی نی ایستهیمیز. نیازیمیز بولگن وسیله‌لر نی بیزلر گه یاردم بیرسینلر. کوپینچه نرسه‌میز یوق؛ یاردم بیریلگنی صورت‌ده عیاللر ایشلب و ایش تجربه‌لری کوپه‌یه‌دی.»
شونده‌ی بیرحالده، هرات ده چاوره‌چیلیک ایشلری بوییچه ایش بیلرمان‌لری اوشبو اتفاق نینگ آچیلگنی‌دن خورسند‌لیک قیلیب ایتیشلریچه، اتفاق محلی مسئوللر بیلن هرات مرکزی و تومن‌لریده‌گی لبنیات ساتووچیلری آره‌سیده هماهنگ‌لیک‌ده یخشی رولی بولیشی ممکن.
باشقه بیر تاماندن، هرات ده لبنیات ساتووچیلر اتفاقی باشلیغی عبدالرحیم عثمانی، مذکور اتفاق نینگ آچیلگنی نی فایده‌لی بیلیب و ایتیشیچه، اولر ایچکی و تشقی نهادلر نینگ مالی حمایتی بیلن اوشبو ولایت‌ده‌گی لبنیات ساتووچیلر گه سوت پروسسی، ماس بازار و سوت محصولاتی نی سقلش زمینه‌سی نینگ یرهتیلیشی نی ایسته‌گنلر.
اونینگ کوپه‌یتیریشیچه: «اتفاق بیرینچی‌ده بیزلر نینگ بیرلیگی‌میز اوچون دیر. ایکینچی‌ده موسسه‌لر آرقه‌لی آله‌دیگنیمیز برچه لایحه‌لر، اتفاق نینگ بوتون اعضاسی گه قرعه‌‌‌کشلیک بولیب و ترقه‌تیله‌دی و باشقه آسایشته‌لیکلریمیز ایسه که یشاوچیلر گه دیر، بیر هفته‌ده بیر مرته محصولات نی کنترول قیله‌میز که اتفاق، ساغلیق‌نی سقلش و هرات ولایتی چاروه‌چیلیک آمریتی نظری‌دن سقلنیشی تصدیق‌لنسه. بو تشقی محصولات‌دن یخشی‌راق نرسه نی یشاوچیلر اختیاری گه قرار بیریش اوچون بیر آسایشته‌لیک دیر.»
بیزلرنینگ «ایکس» ترماغی ده هم تعقیب قیلینگ!
عین حالده، هرات ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، حاضر ایسه اوشبو ولایتده نه فقط ایرککلر؛ بلکیم عیال‌لردن کوپ قطاری چاروه‌چیلیک و سوت محصولاتی نی ساتیش بیلن شغللنگن. اولر نینگ کوپه‌یتیریشلریچه، اوشبو اتفاق آرقه‌لی مذکور ولایت‌ده‌گی لبنیات ساتووچیلر قیین‌‌چیلیگی نی حل قیلیش خصوصیده سعی‌وحرکت قیلماقده‌لر.
هرات ایکینچیلیک، سووغاریش و چاروه‌چیلیک باشلیغی پیرمحمد حلیمی نینگ سلام‌وطندار گه ایتیشیچه: «هرات ولایتیده تورلی‌خیل کسل‌لیکلر آلدی آلینیشی اوچون واکسین، سوتلی سیگیرلر اوچون ساتیش بازار یرهتیلیشی، محصوللری نینگ ساتیلیشی اوچون ماس بازار و سیگیرلر اوچون ستندرد بیر لابراتوار ایجاد بولیشی اوچون سعی‌وحرکت قیلماقده‌میز و یخشی بیر شرایط یرهتیلیشی اوچون ایکینچیلیک ریاستی سیگیردارلر خذمتی‌گه دیر.»
محلی مسئوللر گه کوره، هرات ده سنتی و ستندرد اصول‌لریده ایشلب چیقریش، پروسس و سوت محصولاتی نی پاکت‌لش خصوصیده قریب ۶۰۰ فارم فعالیت قیلیب و ۴۵ عیال نینگ حضوری بیلن ۴۳۰ لبنیات ساتووچیلیگی نینگ فعالیتی بار.
