قندوز ولایتیده ینگی یول و یا (NSDO) دفتری مسئوللری نینگ ایتیشلریچه، اولر مذکور ولایت ایکینچیلیک سووغاریش و چارواچیلیک ریاستی نینگ اویغون‌لیگی بیلن ۱۸ قلم لبنیات ایشلب چیقاریش اوچون ایش آلینه‌یاتگن ایدیش و بیر قطار اوسکونه‌لرنی اوشبو ولایت نینگ امام صاحب تومنی‌ده ۲۸۳ کمبغل عیال‌گه توزیع قیلگنلر.
مذکور موسسه مسئوللر نینگ کوپه‌یتیریشلریچه، اوشبو یاردملر(NSDO) دفتری نینگ ایکینچیلیک بوییچه ترقیات و سوداگرلیک پروژسی نینگ نظری آستیده عایله‌لرنی توانمند قیلیش مقصدیده توزیع قیلینگن.
بیزلرنینگ فیسبوک صحیفه‌میزگه باش اورینگ!
بیزلرنینگ توییترده هم تعقیب قیلینگ!
قندوز ولایتی بوییچه (NSDO) دفتری نینگ مسئولی حفیظ الله رسولی نینگ ایتیشیچه، اوشبو یاردملر عایله‌لر نینگ اقتصادی وضعیتی یخشی‌له‌نیشی اوچون توزیع قیلینگن. او مذکور یاردملرنی قولگه کیلتیرگن عایله‌لردن، چارواچیلیک ترقیاتی اوچون اوشبو اوسکونه‌لردن یخشی شکلده فایده‌لَنیشلرینی سوره‌گن.
جناب رسولی نینگ کوپه‌یتیریشیچه، توزیع قیلینگن وسایل‌لر موزخانه، سوت قازان، سوت ذخیره قیلینه‌یاتگن ایدیش، تعمیری و مسئله‌ی سطل‌لر، میز و چوکی، چلاب ایشلب چیقاریش اوچون میشک، حرارت سنج، مقوی ییمک و باشقه شوکبی وسایل‌لردن عبارت دیر.
