قندوزه اسلامی امارت ایکینیچیلیک، سوغاریش وچارواچیلیک وزیرلیگی نینگ سرپرستی عبدالرحمان راشد سفری مناسبتی بیلن اوتگن کون یولگه قوییلگن دستورده بو ولایت ایکینیچیلیک ریاستی نینگ مسئوللری بو ریاست نینگ اوتگن بیش آیلیک گزارشی نی حاضر کیشی‌لرگه بیان ایتدیلر.
بو دستورده قندوز ولایتی ایکینچیلری، باغدارلری و چاروادارلری قیینچلیکلرینی ایکینچیلیک وزیرلیگ نینگ سرپرستی گه بیان قیلیب و بو ولایت ایکینچیلری نینگ قیینچیلیکلرینی حل قیلیب و ایکینچیلرگه جدی توجه قیلیش‌لرینی سوره‌دیلر.
قندوز ولایتی ایکینچیلیک، ساوغاریش و چارواچیلیک ریاست نینگ باشلیغی امان‌الله حسن نینگ بو برنامه گه ایتیشیچه، اسلامی امارت افغانستان‌ده حاکم یولگن‌دن بویان اوشبو ولایت ایکینچیلیک ریاستی کوزگه کورنرلی یوتوق‌لرگه ایریشگن و «صلح دفتری» نینگ همکارلیگی بیلن ۵۱۵ جریب ییرنی غیرمثمر کوچت ایکن‌لر.
قندوز ایکینچیلیک ریاست نینگ باشلیغی‌گه کوره، اولر اوتگن بیش آیده بو ریاست عایداتی منبع‌لریدن ۹۰ میلیون افغانی توپلب دولت خزانه‌سی‌گه واریز قیلگن‌لر؛ عین‌حالده بو رقم شو مدت ایچیده سابق دولت زمانیده ۱۱ میلیون افغانی ایدی.
بیزلرنینگ توییترده هم تعقیب قیلینگ!
اونینگ کوپیتیریشیچه، بو مقدار عاید عشر، زکات، دکانلراجارهسی، ییر وبو ولایت شالی سی نینگ بیش دن بیر قسمی‌دن توپلنگن.
امان‌الله احسان نینگ ایتیشیچه، « قندوز ایکینچیلیک اداره‌سی نینگ ییرلری زوران‌لر تامانیدن غصب قیلینگن ایدی، خرسندلیک بیلن حاضرگه قدر ولایت مقامی نینگ هماکارلیگی بیلن ۵۰۰۰ مینگ جریب ییر نینگ غصب قیلینگنی انیق لنگن. منه شو ترتیب بیلن سپین‌زر تصدی ریاستی نینک دولتی ییرلر که ایکینچیلیک ریاست نینگ اختیاریده ایدی، رسمی شکلده قیته سپین‌زرتصدی ریاست گه تاپشیریلدی.»
عین‌حالده قندوز ولایت نینگ بیرقطار ایکینچی‌لر، باغدارلری بو ولایت‌ده موجود قیینچیلیکلرینی بیان قیلیب، مرکزده گی مسئوللرنینگ جدی توجه قیلیش‌لرینی سوره‌دیلر.
اولر میوه‌لرنی سقلش اوچون ساوق خانه‌لر یوق‌لیگی، ولایت دن تشقریده صادرات قیلیش اوچون بازار یوق‌لیگی و ایکین‌زارلرنی سوغاریش اوچون سوو اریق‌لر نینگ یوق‌لیگی نی کته قیینچیلک‌لریدن دیب عنوان قیله‌دیلر.
شو نینگ دیک عزت‌الله قندوز ایکینچی‌لریدن نماینده‌لیک قیلیب ایتیشیچه: « بیز تاجرلرنی تانیمیز که اوزبیکستان و ترکیه گه سرمایه یاتقیزهدیلر، اولراوز وطن‌لریگه کیلیب سرمایه یاتقیزیش‌لری کیره‌ک. بو ییرده ساوق خانه قوریش اوچون تاجرلر و باغدارلر گه ییر بیریلسین، و توغری مدیریت قیلینسین.»
شونده‌ی بیرحالده، اسلامی امارت ایکینچیلیک وزیرلیگی نینگ سرپرستی عبدالرحمان راشد، کندز ده قیلگن سفریدن هدف، بو ولایت ایکینچی‌لر برابریده بولگن قیینچیلیک‌لرنی تیکشیریش عنوان قیلیب، تاجرلردن ایکینچیلیک بولیمی‌ده سرمایه یاتقیزیش نی سوره‌یدی.
بیزلرنینگ فیسبوک صحیفه‌میزگه باش اورینگ!
راشد جنابلری نینگ ایتیشیچه، اوتگن نیچه ییل‌ده سوو یخشی مدیریت بولمه‌گن اولرنینگ بو ولایت سوولرنی مدیریت قیلیش اوچون برنامه‌سی بار، کیله‌جکده بو ولایت سوولرینی سیسماتیک شکلده مدیریت قیلسه‌لر تا بولسه که ایکینچی‌لر نینگ بو بولیم‌ده بولگن قیینچیلیک‌لرحل ایتیلسه.
قندوز مملکت نینگ زراعتی وحاصل خیز ولایتلریدن بیری دیر و بو ولایت نینگ یشاوچیلریدن یرمی ایکینچیلیک وچارواچیلک بیلن شغلنیب، و شو یول بیلن درآمد قولگه کیرته‌دیلر.
