جوزجان ایکینچیلیک و چارواچیلیک ریاست مسئوللری نینگ ایتیش‌لریچه، یاغیش میزانی کمه بولگنی باعث، قورغاوچیلیک تهدیدی یوقاری کیتگن و ایکینچیلر یمان وضعیت ده قرار تاپگن.
جوزجان ایکینچیلیک و چارواچیلیک ریاست باشلیغی محمد عالم عالمی نینگ ایتیشیچه، بوغدای ایکیش کمپاینی گه شرکت قیلگن ایکینچی‌لرگه، بوگون نقد پول ترقه‌تیلگن.
جوزجان ایکینچیلیک و چارواچیلیک باشلیغی گه کوره، هر بیر ایکینچی نینگ سهمی ۵۰ دالر ایکن که مذکور پول دنیا ایکینچلیک و ییگولیک ماده تشکیلاتی تامانیدن تیارلنگن.
جناب عالمی نینگ کوپه‌یتیریشیچه، اوشبو پول یمان وضعیت گه قرار تاپگن ایکینچی‌لرنی حمایت قیلیش اوچون ۳ مینگ دهقان گه بیریلگن.
ایکینچی‌لردن قطاری جاری ییل ده قورغاوچیلیک یوز بیریشی دن خواطر بیلدیریب ایتیش‌لریچه، وقتی گه یاغیش یاغمه‌گنی باعث، کشت‌زارلری قوروماقده که بو وضعیتده آچیلیک اولرنینگ تهدید قیله‌دی.
ایکینچیلر قورغاوچیلیک یوزبیریشی دن خواطر بیلدیرگن بیرحالده، مملکت نینگ کوپینچه ولایت‌لریده قورغاوچیلیک یوز بیریشی پیش‌بینلیک قیلینگن.
