جوزجان مرکزی شبرغان شهریده یاش و یاش ییگیت‌لر آره‌سیده «تینچلیک اوچون بیر آواز» نامیده فرهنگی بیلشوو یولگه قوییلگن.
«امید دوباره» اجتماعی نهادی عضوی جان‌محمد حبیبی نینگ ایتیشیچه، اوشبو بیلشوو تینچلیک ایسته‌ش مقصد ده یاش‌لر و یاش ییگیت‌لر آره‌سیده یولگه قوییلگن.
جناب حبیبی‌گه کوره، بو فرهنگی بیلشوودن مقصد یاش‌لر و یاش ییگیت‌لرگه اوروش و تینچلیک پیامدلری خصوصیده انگیزه بیریش دیر.
اونینگ کوپه‌یتیریشیچه، مملکتده دوامی بولگن اوروش تینچلیک خصوصیده یره‌تیلگن فرصت‌لرگه زیان ییتیشتیرگن و دوام قیلیشی فاجعه‌لی دیر.
جوزجان یاش شاعرلریدن بیرقطاری، یاش و یاش ییگیت‌لرنینگ استعدادلرینی رشد بیریش اوچون بونده‌ی فرهنگی برنامه‌لرنی اونملی عنوان قیلگنلر.
اولر، اوشبو فرهنگی برنامه‌ده شعر تیلی آرقه‌لی اوروش تامان‌لریدن مملکتده دوامی بولگن اوروش‌نی یکونلنتیریب و تینچلیک اوچون سعی و حرکت قیلیش‌لرینی سوره‌گنلر.
جوزجان‌لیک یاش شاعرلردن بیری گلالی نینگ ایتیشیچه، مملکت یشاوچی‌لرینی باشقه زمان‌لرگه قره‌گنده کوپراق بیرلیک و بیردم‌لیککه نیازلری بار و بونده‌ی فرهنگی برنامه‌لر یاش‌لر آره‌سیده بیردم‌لیک‌نی تامین قیله‌دی.
اونینگ کوپه‌یتیریشیچه، شاعرلر مملکت درد و قیغوسینی شعر آرقه‌لی بیان قیله‌دی و شاعرلرنینگ شعرلریگه دقت قیلیش کیره‌ک.
شونینگدیک، یاش شاعرلردن باشقه بیری خدای نظر نینگ ایتیشیچه، دواملی اوروش مملکت نینگ ویران بولیشی‌گه سبب بولگن و اونینگ دوام تاپیشی اهالی منفعتی‌گه ایمس.
ایتیلیشیچه، اوشبو فرهنگی برنامه اداغیده تینچلیک خصوصیده شعر تیارلگن یاش شاعرلر تقدیرلنگن دیر.
