امیرعلی شیر نوایی تفکرلرینی اورگه‌نیش خلق‌ارا سیمناری مذکور دانشمند تولدی نینگ ۵۸۰- ییل‌لیگی مناسبتی بیلن اوزبیکستان، ترکمنستان، قزاقستان، قرغیزستان، آذربایجان و ترکیه رسمی‌لری، کابینه وزیرلری، تشقی مملکتلر ایلچی‌لری، تدقیقاتچیلر، نوایی شناسلر، فرهنگیلر و ۱۵۰۰ دن آرتیق ایچکی مهمان حضوری بیلن هرات شهری نینگ مولانا جلال‌الدین محمد بلخی تالاری ده یولگه قوییلگن.

مذکور علمی سمینار اوچ کون گچه هرات شهریده دوام تاپیشی ممکن.

مملکت جمهوررئیسی محمداشرف غنی مذکور خلق‌ارا سیمنار باشله‌نیشی مراسمیده ویدیویی بیر پیام آرقه‌لی، امیرعلی شیر نوایی نینگ ۹- قرن ده بیلیم و ادب ترقیاتی و شونینگدیک فرهنگ و تمدن رواجله‌نیشی گه نقشی نی اونملی دیب ایتیشیچه، امیرعلی شیر نوایی نینگ تولدی دن نشانلش، منطقوی همکارلیکلر اوچون اونملی بیر فصل دن نشانله‌ش دیر.

جمهوررئیس اوشبو خلق‌ارا سیمنار ده منطقه مملکت‌لر نماینده‌لری نینگ قتنه‌شیشی نی قوشمه فرهنگ گه حرمت بیریش دیب ایتیشیچه، ابریشم یولیده افغانستان نینگ باقیشی فرهنگی و اقتصادی باقیش دیر.

معلومات و مدنیت وزیرلیگی سرپرستی محمدطاهر زهیر مذکور علمی مراسم ده هرات نینگ بیلیم و فرهنگ مرکزی دیب ایتیشیچه، هرات ۲۱۱ دانشمند، عارف،‌ خواجه و صوفی نی اوز یوره‌گیده جای بیرگن.

شونینگدیک جناب زهیر امیرعلی شیر نوایی نینگ تیموری‌لر دوری نی عارف،‌ شاعر، موسیقی‌دان و تأثیرچن سیمالردن بیری دیگن.

عین حالده، معلومات و مدنیت وزیرلیگی سرپرستی مذکور علمی سیمنار ده، اوزبیکستان دولتی دن اوشبو ایکی مملکت علاقه‌لری کوپه‌یشی اوچون، هرات ده تیموری‌لر دوری نینگ موزیمی قوریلیشی و امیرعلی شیر نوایی نامیده کتته بیر کتابخانه قوریلیشی گه یاردم بیریشی نی سوره‌گن.

مذکور سیمنار گه دعوت ایتیلگن نماینده‌لر امیرعلی شیر نوایی نینگ دانشمند و متفکر دیب ایتیش‌لریچه،‌ اوشبو بویوک شخصیت منطقه بوییچه فرهنگ و تمدن رواجله‌نیشی اوچون کوپینچه سعی و حرکت قیلگن.

امیرعلی شیر نوایی ۸۴۴- هجری قمری ییل ده هرات شهری نینگ بیرینچی ناحیه‌سیگه تیگیشلی دولت‌خانه منطقه‌سیده تولد بولگن. امیرعلی شیر نوایی، سلطان حسین بایقرا حکومتدارلیک دوری نینگ متفکر وزیری ایدی. بو کیشی دن ۵۵ اثر قالگن.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام