غور ده باغ‌دارلردن قطاری نینگ ایتیشلریچه، ستندرد باغدارچیلیک اصول‌لرینی آزراق بیلگنلری بیرحالده؛ بیراق عنعنوی اصول‌لردن قوللنیش بیلن، باغ‌لریدن یخشی حاصل قولگه کیلتیرگنلر.
ایکی جریب‌دن آرتیق ییری نی میوه باغ‌لری گه اختصاص بیرگن غور یشاوچیسی بولمیش عبدالرحیم نینگ ایتیشیچه، باغ‌لری نینگ حاصلاتی کوپه‌یشی اوچون کیره‌ک بولمه‌گن اوسیم‌لیک‌لر نی اوزاق‌لشتیریش، کیمیاوی و حیوانی کود‌لردن قوللنیش، منظم سووغاریش و درخت‌لر ریشه‌سی نینگ توپراغی نی ملایم قیلیش ایشلریدن قوللنه‌‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «باغ‌لر اوچون کیره‌ک بولمه‌گن اوتلر نینگ توپلنیشی کیره‌ک، توپراغی نینگ ملایم قیلینیشی کیره‌ک، انبار کیره‌ک، کود کیره‌ک، منظم سووغاریلیشی کیره‌ک؛ بیراق امکانیتمیز کوپ ایمس و سوو کم‌چیلیگی قیین‌چیلیگیمیز بار. یاردم بیریلمه‌گنی صورت‌ده، درختلریمیز نینگ اورته‌دن کیتیشی ممکن.»
غور یشاوچیلریدن باشقه بیری عبدالرزاق نینگ ایتیشیچه، باغدارلر حاصلاتلری کوپه‌یشی اوچون باغدارچیلیک ستندرد اصول‌لری نینگ اورگه‌نیش گه نیازلری بار. اوشبو باغ‌دار نینگ کوپه‌یتیریشیچه: «بیرینچی‌ده درخت‌لر ریشه‌سی نی ملایم قیله‌من، کیین ایسه حیوانی کود تشله‌یمن. ییر نینگ کم‌زورراق بولگنی‌ده کود نی بازار‌دن آلیب و تشله‌یمن. ایکینچیلیک ریاستی نینگ یاردم بیریشی و حشره‌لر گه قرشی دارو بیریشی نی ایسته‌میز که درخت‌لر اورته‌دن کیتمه‌سین.»
مذکور باغدارلر نینگ کوپه‌یتیریشلریچه، ایکینچیلیک ریاستی و بیر قطار نهاد‌لر آٰقه‌لی آزمدت‌لی تعلیم‌لرنی آلیب و آزراق یاردم قولگه کیلتیرگنلر؛ بیراق اولر نینگ ییترلی بیلمه‌ی و باغ‌دارلردن کوپراق حمایت بولینیشی نی ایسته‌یدیلر.
باشقه بیر تاماندن، غور ایکینچیلیک، سووغاریش و چاروه‌چیلیک باشلیغی غلام‌محمد کاظم شهامت نینگ ایتیشیچه، اوشبو ریاست هر ییل تعلیمی برنامه‌لر نی یولگه قوییش بیلن اولر گه ستندرد باغدارچیلیک اصول‌لری نینگ اورگه‌تیش خصوصیده سعی‌وحرکت قیله‌دیلر.
اونینگ کوپه‌یتیریشیچه: «دارو نینگ تطبیق قیلینیشی و میوه‌لی درخت‌لر نی آفت‌لر و کسل‌لیک‌لردن اوزاق قیلیش، میوه‌لر نی توپلش، میوه‌لر نی پاکت‌لش، شاخچه‌لر نی قیرقیش و اونینگ پیوند قیلیش اصول‌لری خصوصیده نیچه تعلیمی برنامه نی مرکز و تومن‌لرده، بیر قطار ایکینچی و باغ‌لر اوچون یولگه قوییگن‌میز.»
غور ده باغدارچیلیک ایشلری بوییچه ایش بیلرمانلری نینگ ایتیشلریچه، باغ‌دارلردن قطاری باغدارچیلیک بولیمی‌ده مسلکی تعلیم کورگنلر؛ بیراق حاضرگچه تعلیم گه نیازی بولگن باغدارلر هم بار دیر.
باغدارچیلیک ایشلری بوییچه ایش بیلرمان عبدالظاهر توانا نینگ ایتیشیچه، سونگی ییل‌لر غور ده باغدارچیلیک رواجلنگن؛ لیکن بو بولیم‌ده ستندرد تعلیم یوقلیگی، باغدارلر نینگ آزراق حاصل قولگه کیلتیریشی و میوه‌لری نینگ آز قیمت بیلن ساتیشلری گه سبب بولگن.
اونینگ کوپه‌یتیریشیچه: «باغ‌دارلریمیز سقلش، پروسس، حاصل نی قولگه کیلتیریش‌دن آلدی و کیینگی عملیات‌لر، محصوللری نینگ تنظیم قیلیش و محصول‌لر نینگ سقلش شکلی نی بیلمه‌یدیلر. قیغو بیلن دهقان‌لریمیز حاصل آلیش موسومی‌ده حاصل آله‌دیلر و اونینگ سقلش اصولینی بیلمه‌یدیلر. باشقه بیر تاماندن، اقتصادی قیین‌چیلیک‌لر بار که اولر محصول نی آز قیمت یعنی بیر کیلوگرامی نی ۱۸-۲۰ افغانی ساته‌دیلر.»
بیزلرنینگ فیسبوک صحیفه‌میزگه باش اورینگ!
توانا گه کوره، سونگی نیچه ییل جریانیده، کیت‌مه-کیت قوروق‌چیلیک، میوه باغ‌لری گه زیان ییتیشتیریب و بیر قطار بولیم‌لرده ایسه باغ‌لر نینگ قوریشی گه سبب بولگن.
مذکور ایش بیلرمان نینگ اورغولشیچه، حکومت باغدارلر گه تعلیم زمینه‌سی نی یره‌تگنی گه علاوه، قوریگن باغ‌لر نینگ قیته قوریلیشی اوچون زمینه یره‌تیشی کیره‌ک که، باغ‌دالر بو یول آرقه‌لی درآمدلری نی کوپه‌یتیرسینلر.
غور ایکینچیلیک ریاستی نینگ آماری اساسیده، اوشبو ولایت نینگ شهر و تومن‌لریده ۳۶۰۰دن آرتیق هکتار ییر‌ده میوه‌لی باغ‌لر بار. المه، ناک، زردآلو، شفتالو، پسته، اوزوم، بادام و یانغاق، غور باغ‌لریدن قولگه کیله‌دیگن اینگ اونملی میوه‌لردن دیر.
