خلقارا میدیالر نینگ معلوماتی اساسیده، یکشنبه کونی، ۵ سنبله/ ۲۷ آگست، تاجیکستان ده کوچلی یامغیر یاغیشی طفیلی ۱۳ کیشی هلاک بولگن.
معلوماتلر گه کوره، مذکور مملکت نینگ وحدت و رودکی تومنلریده کوچلی یامغیر یاغیب و ۱۳ کیشی نینگ هلاک بولیشی گه سبب بولگن.
بیزلرنینگ فیسبوک صحیفهمیزگه باش اورینگ!
تاجیکستان نینگ وحدت تومنیده کوچلی یامغیر طفیلی ۱۱ کیشی و رودکی تومنیده ایسه ایکی کیشی هلاک بولگن.
اوشبو کیشیلر قندهی وفات ایتگنی حقیده ایضاح کیریتیلمهگن.
تاجیکستان ده یاققن کوچلی یامغیر مذکور مملکت پایتختی دوشنبه و خوجند قتناو یولی نینگ ایریم قسملری گه هم ضرر ییتکیزگن و اوشبو یول وقتینچهلیک یولاوچیلر یوزی گه یاپیلگنی معلوم قیلینگن.
تاجیکستان دولت رهبری امامعلی رحمان، کوچلی یامغیر باعث هلاک بولگنلر نینگ عایله اعضالری گه همدردلیک بیلدیرگن.
بیزلرنینگ توییترده هم تعقیب قیلینگ!
شونینگدیک، تاجیکستان دولت رهبری هلاک بولگنلر نینگ عایله اعضالری گه تیزلیک بیلن یاردم کورسهتیش، فوقالعاده حالت عاقبتلرینی برطرف ایتیش مقصدیده تیزلیک بیلن چاره_تدبیرلر کوریش بوییچه باش وزیرلیک نینگ فوقالعاده وضعیتلر نی باشقریش کمیته و باشقه تیگیشلی ادارهلر گه بویروغ بیرگن.