۷-ثور، جمعه کون کابل افغانستان، تورکمنستان و قزاقستان اۉرته‌سیده اوچ تامانلمه ییغیلیش میزبانی اېدی، اوشبو ییغیلیش ده بو اوچ مملکت اۉرته‌سیده‌گی اقتصادی وسوداگرلیک مناسبت‌لرنی مستحکم‌لش و موجود معمالر گه ییچیم یول قیدیریلیشی اوستیگه کېلیشیلگن.
اسلام امیرلیگی صناعت و سوداگرلیک وزیرلیگی، بو ییغیلیش ده آسیا شمالی نی آسیا جنوبی گه باغلش، ترانزیتی و ترانسپورتی خره‌جت‌لرنی کمه‌یتیریش و افغانستان، تورکمنستان وقزاقستان اۉرته‌سیده قۉشمه تخنیکی کمیته قوریش مسئله‌لری محاکمه قیلینگنینی بیلدیرگن.
بیزلرنینگ فیسبوک صحیفه‌میزگه باش اورینگ!
صناعت و سودا وزیرلیگی سۉزلاوچیسی عبدالسلام جواد آخوندزاده نینگ سلام‌وطندار گه ایتیشیچه: «بو اوچ تامانلمه ییغیلیش ده، آسیا شمالی نی جنوبی آسیا گه باغلش، اوچ مملکت آره‌سیده ترانزیتی و ترانسپورتی خره‌جت‌لرنی کمه‌یتیریش و تخنیکی بیر کمیته قوریلیشی گه کېلیشیلگن.»
اسلام امیرلیگی افغانستان نی حاضرگی اقتصادی قلتیس احوال دن قوتقریش اوچون بو کبی ییغیلیش‌لرنی یولگه قوییش بیلن، منطقه اینیقسه قۉشنی مملکت‌لر بیلن اقتصادی و سوداگرلیک مناسبت‌لرینی مستحکم‌لش گه سعی-حرکت قیلماقده.
اقتصادی ایش بیلرمان عبدالنصیر رشتیا، افغانستان منطقه مملکت‌لر بیلن استراتیژیک مناسبتینی مستحکم‌لش اوچون بو کبی ییغیلیش‌لر اۉتکزیلیشینی مهم دیه بهاله‌یدی.
بیزلرنینگ «ایکس» ترماغی ده هم تعقیب قیلینگ!
شونینگدیک رشتیا جنابلری منطقه مملکت‌لر بیلن اقتصادی و ترانزیتی مناسبت یخشی‌لنیشی اوچون افغانستان ده آست قورمه‌لر ایجاد اېتیلیشی گه تاکید اېته‌دی.
اونگه کوره: «افغانستان دینگیز گه یولی بولمه‌گن بیر مملکت دیر، افسوس بیلن اېرکین سوولردن فایده‌لنه آلمه‌یدی، زمانه‌وی ترانسپورتی تېزیم یوق‌لیگی، ستندرد سرک‌لری یوق‌لیگی و بیر یول گه باغلیق‌لیگی افغانستان تجارتی گه تاثیر قیلگن مسئله‌لردن سنله‌دی.»
ایتیش کېره‌ک، تورکمنستان و قزاقستان افغانستان بیلن یوقاری سطح ده سوداگرلیک آلیش-بیریشی بولگن مهم ۱۰ مملکت رویخطی گه کېره‌دی، معلومات‌لر اساسیده، سۉنگی ییل‌لرده افغانستان نینگ قزاقستان گه صادراتی قریب اوچ برابر کوپه‌یگن.
