خواف_هرات تیمیر یولی اوچینچی بولیمی قراردادی افغانستان و ایران آره‌سیده امضالنگن.
مملکت تیمیر یول اداره‌سی، چهارشنبه کونی، ۱۹ میزان، اوز ایکس (تویتری) ده، خواف_هرات تیمیر یولی اوچینچی بولیمی قراردادی، افغانستان تیمیر یول اداره‌سی باشلیغی بخت‌الرحمان شرافت و ایران تیمیر یول کنسرسیوم باشلیغی مصطفا رضایی تامانیدن کابل ده امضالنگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو کیلیشوو اساسیده، ایران خواف_هرات تیمیر یولی نینگ تخنیکی ایشلری و مسلکی کیشی‌لرنی تعیینلش مسئولیتینی تن آلگن.
مملکت تیمیر یول اداره‌سی گه کوره، کیله‌سی هفته خواف_هرات تیمیر یولی نینگ بیرینچی بولیمی و تورتینچی قطعه‌سی باشلنه‌دی.
مذکور اداره نینگ کوپه‌یتیریشیچه، اوشبو تیمیر یول قوریلیشی بیلن افغانستان سوداگرلری گه کوپ قولی‌لیک‌لر یره‌تیلیب و سوداگرلیک توارلرینی آز خره‌جت بیلن انتقال بیریش‌لری ممکن.
بونگه قوشیمچه مذکور کیلیشوو امضالنیشی بیلن خواف – هرات تیمیر یولی نینگ اوچینچی بولیمی ایران مملکتی نینگ تیمیر ترماغی آرقه‌لی ترکیه و اروپا مملکت‌لریگه قوشیله‌دی.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، افغانستان تیمیر یول ملی اداره‌سی مسئوللری، شنبه کونی، ۱ میزان، کابل ده افغانستان، اوزبیکستان و بیرلشگن عرب امیرلیک‌لری هیئت‌لری نینگ اوچ تامانلمه ییغیلیش‌لریده، افغانستان تیمیر یولینی کینگه‌یتیریش و قوریش اوستیگه کیلیشگنلرینی ایتگن ایدیلر.