هرات محلی مسئوللری، هرات_خواف تیمیر یولی ایشینی قیته باشلش اوچون «روزنک» که بارگنلر ایتیشلریچه، اوشبو پروژه افغانستان ترقیاتی اوچون مهم دیر.
افغانستان تیمیر یولی اداره سرپرستی بختالرحمان شرافت گه کوره، سونگی اوزگریشلر طفیلی مذکور پروژه کوپ زیان کورگن و افغانستان نی منطقه و فرا منطقه مملکتلر بیلن باغلش اوچون اولر ایچکی درآمدلردن اوشبو پروژه ایشینی باشلشگن.
جناب شرافت نینگ کوپهیتیریشیچه، هرات_خواف تیمیر یولینی قیته قوریش ایشی قریب ۶۰ میلیون افغانی خرجت کوتارهدی. اونگه کوره، مذکور پروژه ایشی ایکی آی دوام تاپیشی کوتیلهدی.
بیزلرنینگ فیسبوک صحیفهمیزگه باش اورینگ!
باشقه تاماندن، هرات صناعت و کانلر اتاقی باشلیغی حمیدالله خادم نینگ ایتیشیچه، اوشبو پروژه افغانستان نینگ اقتصادی ترقیاتی اوچون اوته مهم دیر و تیزلیک بیلن ایشی یکونلیب و فایدهلنیشگه تاپشیریلیشی کیرهک.
شونینگدیک هرات حاکمی انوراحمد اسلامجار، هرات ولایتی بویلب ایشی یریم قالگن پروژهلر ایشی یکونلنیشی اوستیگه تأکیدلب ایتیشیچه، مذکور ولایت نینگ محلی ادارهسی قوللریدهگی امکانیت بیلن پروژهلر ایشی تیزلشتیریلیشی و خوفسیزلیگی مقصدیده سعی و حرکت قیلهدی.
هرات_خواف تیمیر یولی قیته قوریش مسئولیتینی آلگن «سندریلا» ساختمانی شرکت نمایندهسی زاهدالله اسماعیلزی گه کوره، ۶۳ کیلومتر اوزونلیگی بولگن هرات_خواف تیمیر یولی نینگ ۱۰ کیلومتری، قیته قوریش گه نیاز دیر.
بیزلرنینگ توییترده هم تعقیب قیلینگ!
جناب اسماعیلزی نینگ ایتیشیچه، بو پروژه زمانهوی شکلده قوریلیب و فایدهلنیشگه تاپشیریلیشی اوچون سعی و حرکت قیلماقدهلر.
محلی مسئوللر گه کوره، اوشبو پروژه فایدهلنیشگه تاپشیریلیشی بیلن، افغانستان، ایران و باشقه مملکتلر آرهسیده واردات و صادرات باشلنهدی.
ایتیش کیرهک که، هرات_خواف تیمیر یولی ایشی ۱۳۹۹_ییلی باشلهنیب و مملکتدهگی سونگی اوزگریشلر باعث کوپ زیان کوردی، و بوگون ایسه ایشی قیتهدن باشلنگن.