بوگون (پنجشنبه، ۲۵- جدی) افغانستان و ترکمنستان آره‌سیده‌گی آقینه-اندخوی تیمیر یولی، ترکمنستان-شبرغان برق پروژه‌سی و فایبر نوری پروژه‌سی آچیلدی.
اوشبو احتفال ده افغانستان جمهور رئیسی محمد اشرف غنی و ترکمنستان جمهور رئیسی قربان‌قلی بیردی محمدوف آنلاین شکلده صحبت اوتکزیب، اوشبو پروژه‌لر آچیلگنی نی ایکی اولکه علاقه‌لری کوچلنیشی خصوصیده اونملی آدیم دیگنلر.
جناب غنی نینگ ایتیشیچه، اوشبو اوچ قوشمه اقتصادی پروژه ایشی یکونله‌نیشی افغانستان‌نی منطقوی علاقه‌سی اوستیگه کوپینچه اونملی تأثیر قویه‌دی. جناب غنی گه کوره، افغانستان یشاوچی‌لری یقیین پیتده باشقه پروژه‌لر آچیلیشی گه شاهدی بولیشی ممکن.
انه‌شوحالده ترکمنستان جمهور رئیسی قربان قلی بردی محمدوف، افغانستان گه یاردم‌لرنی دوامی اوستیگه تأکید قیلیب ایتیشیچه، ترکمنستان اولکه‌سی افغانستان خلقی نینگ یانیده توره‌دی.
آقینه-اندخوی تیمیر یولی پروژه‌سی نینگ قراردادی بوندن بیر ییل آلدین افغانستان تیمیر یول ایرکین اداره‌سی بیلن ترکمنستان اولکه‌سی نینگ صنعت و رابطه‌لر وزیرلیگی بیلن امضالنیب و پروژه ایشی اوتگن هجری قویاش ییلیده باشلنگن ایدی.
آقینه-اندخوی تیمیر یولی ۳۰ کیلیومتر بولیب و اوشبو پروژه ۳۰ میلیون دالر خرجت کوتارگن. تیمیر یول پروژه‌سی نی خرجتی افغانستان تیمیر یول ایرکین اداره‌سی نینگ کینگه‌یتیریش بودجه‌سی دن توللنگن.
عین‌حالده اولکه جمهور رئیسی، آقینه- شبرغان نینگ ۵۰۰ کیلوولت برق پروژه‌سی و شبرغان-مزارشریف نینگ ۲۲۰ کیلوولت برق پروژه‌سی نی ایکی اولکه رابطه‌سی کوچلنیشی همده اقتصادی یوقاری کیتیشده مهم بیلگن.
اوشبو برق پروژه‌لر نینگ ایشی هجری قویاش ۱۳۹۵- ییل باشلنیب هجری قویاش ۱۳۹۹- ییل ثور آیی ده نهایه‌سی گه ایریشدی، ایتیش لازم که اوشبو پروژه‌لر ۵۸.۲ میلیون دالر خرجت کوتارگن.
جمهور رئیس اشرف غنی نینگ کوپه‌یتیریشیچه، فایبر نوری شبکه‌سی نینگ ایشی آقینه بندریده اوز نهایه‌سی گه ایریشگن، فایبر نوری شبکه سی جوده اونملی پروژه‌لردن بولیب افغانستان و ترکمنستان فایبر نوری شبکه سی گه شامل بولگنی اوچون فخرلنه‌دی.
ایتیش لازم که فایبر نوری پروژه‌سی آرقه‌لی ۲ مینگ و ۵۰۰ میگابایت انترنیت ترکمنستان آرقه‌لی هرات و هرات اطرافیده‌گی ولایت‌لرگه عرضه ایتیشیلیشی ممکن.
