هرات ده کییم-کیچک ایشلب چیقرووچیلر اویوشمهسی باشلیغی عزیزالله نورزیگه کوره، قریب ۳۰۰ مینگ دالرلیک تولیدی کییملرنینگ ایکینچی یوکی، عراققه صادر بولگن.
نورزی، مذکور یوک ایچیده هرات ده ایشلب چیقریلگن قریب ۱۰۰ مدل کییم بارلیگینی بیان قیلیب و ایتیشیچه، شونینگدیک بوندن سونگ ۲۰۰ مینگ کییمدن عبارت بیر یوکنینگ ایشلب چیقریلیشی و عراققه صادر بولیشی ممکن.
شوندهی بیرحالده، هرات سوداگرلر اتاق باشلیغی عبدالقدیر اکبرینینگ ایتیشیچه، بو ولایتده کییم-کیچک ایشلب چیقرووچی قریب ۱۰۰۰ ایشخانهنینگ فعالیتی بولیب و هر بیر ایشخانهده، ۵۰ دن آرتیق کیشی ایش بیلن شغللنگن.
اکبرینینگ کوپهیتیریشیچه، بوندن آلدین ایچکی محصوللر کوپراق چیتایل اولکهلر برندلری بیلن بازارگه چیقریلهردی، لیکن حاضر ایسه تولید قیلووچیلر محصوللرینینگ ایچکی برندلر بیلن تشقی بازارلرگه صادر قیلیشگه موفق بولگنلر.
ایتیش کیرهک که، هرات سودا و صناعت باشلیغی بشیرمحمد سیرت، شو کبی وارداتی توارلر تعرفهسی کوپهیگنیدن خبر بیریب، بو ریاست تولیدی ایشخانهلرنینگ کوپراق رواجلنیشی و صادرات آشیشی امکانیتی یرهتیلیشی مقصد، کییم-کیچک صناعتی بوییچه نیاز بولگن خام مادهلر تعرفهسینینگ کمهیشی توغریسیده سعیوحرکت قیلیشینی ایتگن.
