بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، ینگی‌لیکده بیر گزارش ترقه‌تیش بیلن ایتیشیچه، افغانستان اینگ کوپ ماین و پارتلش ماده‌لر ییرلشتیریلگن افلاس مملکت سنله‌دی. اوچا نینگ گزارشی‌ده کیلیشیچه، افغانستان ده ماین پارتلشی نتیجه‌سیده، هر آی باله‌لر شامل ۶۰ کیشی اولیب یا-ده ناگران بوله‌دی.
اوچا نینگ گزارشی‌ده، افغانستان ده‌گی ۴۰۱ تومن نینگ اوچ‌دن ایکی حصه‌سی ماین و پارتلش ماده‌لر بیلن افلاسلنگنی یازیلگن دیر. اوچا نینگ گزارشی اساسیده، اوچ میلیون کیشی ماینلر، بمب‌لر و اوروش جریانیدن پارتلمه‌ی قالگن ماده‌لر نینگ بیر کیلومتر شعاع‌سیده حیات کیچیره‌دی.
بیزلرنینگ فیسبوک صحیفه‌میزگه باش اورینگ!
اوچا اوشبو گزارشی‌ده کوپه‌یتیریشیچه، افغانستان ییرلری نینگ ماین بیلن افلاسلیگی ۲۰۰۱-ییل‌دن آلدین و کیینگی میراث دیر. اوچا گه کوره، ارزگان، قندوز، هلمند، قندهار، کنر، بادغیس، فاریاب، ننگرهار، غزنی، فراه، میدان‌وردک و سمنگان ولایت‌لری جدی شکلده ماین و اوروشلر جریانیدن پارتلمه‌ی قالگن ماده‌لر تاثیری آستیده دیر.
بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری نینگ بیان قیلیشیچه، حتا آستقورمه‌لر جمله‌دن مکتب‌لردن قطاری، پارتلش ماده‌لر بیلن افلاسلنگن دیر. شونینگدیک اوشبو نهاد گه کوره، خره‌جتلری ایکینچیلیککه تیگیشلی بولگن عایله‌لر، جمله‌دن دهقان‌لر، چوپان‌لر و چاوره‌دارلر، کوپراق پارتلش ماده‌لر خوفی بیلن روپهره دیر.
مملکت گه قیته کیله‌دیگن جمعیت هم زیان کوره‌دیگن دیر؛ چونکه اولر قیته‌دیگنلری منطقه خصوصیده معلومات‌لری یوق. اوچا نینگ گزارشی‌ده کیلیشیچه، افغانستان ده قشاق‌لیک سطحی نینگ کوپه‌ییشی بیلن، باله‌لر و کیکسه‌لردن کوپ قطاری تیریکچیلیک اوچون هر ییر گه باریب تیمیر توپله‌یدیلر که، یامان عاقبت بیلن روپهره بوله‌دیلر.
بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری گزارشی‌ده کوپه‌یتیریشیچه، ماین خوفلریدن توسیق بولیش اوچون ییترلی منبع‌لری یوق. گزارش‌ده اورغولنیشیچه، حاضر ایسه ماین خوفلری بیلن قرشی کوره‌ش جدی شکلده بودجه کم‌لیگی بیلن روپهره دیر.
بیزلرنینگ «ایکس» ترماغی ده هم تعقیب قیلینگ!
اوشبو دفتر گه کوره، اوتگن ایکی ییل‌ده ماینلر نی تازه‌لش اوچون بودجه یریم گه کمه‌یگن که، ماین تازه‌لش ایشی کوچلری نینگ ۴۰ فایز کمه‌یشی گه سبب بولگن. ایتیلیشیچه، ماین تازه‌لش ایشلاوچیلری سانی ۱۵ مینگ کیشی‌دن اوچ مینگ کیشی گه ییتیشگن.
