Asset 1SWN

«اسلم فاروقی و پاکستان‌لیک محبوس‌لر» پاکستان‌گه باج صفتیده افغانستان قماقخانه‌لریدن آزاد ایتیله‌دی

ghani-oyu7etup6t21jqcrkmtj97gpmlf3rti2ui392ib3pw

مملکت جمهور رئیسی محمد اشرف غنی، عقرب آیی نینگ ۲۸- کونی، افغانستان محکمه‌لری تامانیدن جزالنتیریشده قرار بیریلگن پاکستان‌لیک محبوس‌لر قویب یوباریلیشی خصوصیده بیر بویروغ نی امضالگن.

جمهور رئیس غنی تامانیدن امضالنگن بروغ‌گه کوره، پاکستان‌لیک محبوس‌لر افغانستان قماق‌خانه‌لریدن قویب یوباریلیشدن اصلی هدف «پاکستان اسلامی جمهوریت دولتی‌ بیلن دوست‌لیک رابطه‌لرنی کوچلنتیریش و یخشی نیت» نی کورسه‌تیش بولگن.

پاکستان محبوس‌لری قویب یوباریلیشی خصوصده افغانستان ملی خوفسیزلیک ریاستی نینگ سابق باشلیغی رحمت الله نبیل عکس‌العمل کورسه‌تیب فیسوک صحیفه‌سیده یازیشیچه: «مینگ‌لرچه اولکه‌داشلریم نی قانی‌نی توککن اسلم فاروقی و یوزلرچه پاکستان‌لیک تروریست‌لر، پاکستان استخباراتی آی اس آی گه رشوت بیریش اوچون آزاد ایتیلیشده ایشانچیم بار.»

جناب نبیل گه کوره، مملکت جمهور رئیسی محمد اشرف غنی قدرت ده قالیش اوچون بونده‌ی اقدام‌لرگه قول اوریب و افغانستانده «قیین‌چیلیک» لر کوپه‌یشگه سبب بولگن.

جمهور رئیس تامانیدن ترقه‌تیلگن بویروغ تورت ماده ‌دن عبارت بولگن:

بویروغ بیرینچی ماده‌سیده: حبس مدت‌تی بیر آی قالگن پاکستان‌لیک محبوس‌لرنینگ حبس مدتی عفوه بولیب، افغانستان قماق‌خانه‌لریدن آزاد ایتیلسین.

بویروغ نینگ اوچین‌چی ماده‌سیده: اوشبو بویروغ نینگ عملگه آشیریش مسوولیتی ” محبوس‌لر و حبس‌گه آلینگن‌لر” جزاسینی کیچیریش کمیسیون گه تاپشیریلگن.

بویروغ تورتینچی ماده‌سیده: ” اوشبو بویروغ ۳۰- عقربده عملگه آشیریل سین”.

پاکستان‌لیک محبوس‌لر قویاریلیش قراری، پاکستان نینگ باش وزیری عمران خان افغانستانگه سفر قیلمسدن بیرکون آلدین امضا لنگن. پاکستان باش وزیری عمران خان پنج شنبه کونی ۲۹ عقرب کابل گه کیلدی.

پاکستان اولکه سی نینگ کابلده گی ایلچی لیگی عمر خان نینگ اوشبو سفریدن اصلی هدف ایکی اولکه رابطه لرینی کوچلنتیریش دیگن.

مملکت ملی خوفسیزلیک ریاستی بوندن ۷ آی آلدین داعش گروهی خراسان شاخه سی نینگ رهبری اسلم فاروقی نی ۱۹ یولداشی بیلن قولگه آلگن ایدی. قولگه آلینگن کیشی لر آره سیده قاری زاهد و ابو طلحه آتیده مشهور بولگن پاکستانلیک سیف‌الله هم بولگن ایدی.

اسلم فاروقی بیرینچی اعترافیده داعش گروهی نینگ کوپینچه منطقه استخباراتی بیلن قولی بولگنی نی قبول قیلگن ایدی.

اسلم فاروقی افغانستان دولتی تامانیدن قولگه آلینگنیدن کیین، پاکستان دولتی افغانستان نینگ اسلام آباد شهریده گی بویوک ایلچیسی نی چقریب، اسلم فاروقی پاکستان دولتی گه تسلیم بیریلیشی نی سوره گن ایدی.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام