بیرلشگن ملتلر تشکیلاتی نینگ ییمک و ایکینچیلیک تشکیلاتی (فائو)، افغانستان نینگ ۴ ولایتیده ۹۴ مینگدن آرتیق ایکینچی گه نیوزیلند نینگ ۲ میلیون دالرلیک یاردمیدن خبر بیرگن.
مذکور تشکیلات بیر اعلامیه ترقهتیب ایتیشیچه، اوشبو یاردملر آرهسیده اصلاح بولگن تخملر و نقد پول شامل دیر و ننگرهار، کندز، پروان و میدانوردک ولایتلریدهگی ایکینچیلر گه ترقهتیلیشی ممکن.
بیزلرنینگ فیسبوک صحیفهمیزگه باش اورینگ!
اعلامیهده کیلیشیچه، افغانستان بوییچه بیرلشگن ملتلر تشکیلاتی نینگ ایکینچیلیک و ییمک تشکیلاتی نمایندهسی ریچارد ترینچارد، نیوزیلند نینگ افغانستان گه بیرینچی شاشلینچ یاردملریدن خورسندلیک بیلدیریب و ایتیشیچه، ایکینچیلر ایکیش اوچون اصلاح بولگن و کیفیتلی تخملر گه نیازلری بار.
شونینگدیک ایکینچیلیک و ییمک تشکیلاتی نینگ ایتیشیچه، ۹۴ مینگ ایکینچی گه ۱۷۵ دالر ارزشی گه اصلاح بولگن بوغدای ترقهتیلهدی که بیر ییل ۷ کیشیلیک بیر عایله نینگ نیازلری نی تامینلش اوچون ییترلیچه اصلی ییمکلر تولید قیلهآلهدیلر.
بیزلرنینگ توییترده هم تعقیب قیلینگ!
اوشبو تشکیلات گه کوره، قیشلاقلرده کیچیک و اونملی پروژهلرده ایش قیلهدیگن ۴۵ مینگدن آرتیق ایکینچی گه کمیده ۱۰۰ دالر نقد پول یاردم بیریلهدی. شونینگدیک باشقه ایکینچیلر گه هم یاردم برابریده ایش زمینهسی فراهم بولیشی ممکن.
شوندهی بیرحالده، گزارشلر اساسیده افغانستان یشاوچیلریدن کمیده ۸۰ فایزی ایکینچیلیک و چارواچیلیک بیلن شغللنگن، بیراق بو ییل اقتصادی قیینچیلیک و قوروقچیلیک اولرنی قیینچیلیکلر بیلن روپهرو قیلگن.