بوگون “چهارشنبه” ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسیگه شبههلی 1 مینگ و 877 کیشی دن آلینگن نمونهلر سیناو دن اوتکزیلگن و بو جملهدن 206 تهسی نینگ نتیجهسی ایجابی تانیلگن.
ساغلیقنی سقلش وزیرلیگیگه کوره، مذکور مدتده کرونا ویروسیگه چلینگنلردن 7 تهسی دنیا دن اوتیب و باشقه 180 تهسی درمانلنگن دیر.
ساغلیقنی سقلش وزیرلیگی تامانیدن بیریلگن امارلرگه کوره، کرونا ویروسی چیقگنیدن حاضرگهقدر افغانستان بوییچه 59 مینگ و 576 کیشی بو ویروسگه چلینگن و بو جملهدن 2 مینگ و 618 تهسی دنیا دن اوتیب و باشقه 52 مینگ و 974 تهسی درمانلنگن.
شونینگدیک، دنیا بوییچه حاضرگهقدر 149 میلیون و 377 مینگ کیشی کرونا ویروسیگه چلینگن و بو جملهدن 3 میلیون و 150 مینگ تهسی دنیا دن اوتیب و باشقه 127 میلیون و 56 مینگ تهسی درمانلنگن دیر.
