اسلام امیرلیگی فواید عامه وزیرلیگی، جاری ییل سرطان آییده افغانستان تیمیر یوللری آرقهلی ۷۱۶ مینگ ۳۰۰ متریک تُن توار تاشیلگنینی معلوم قیلگن.
فواید عامه وزیرلیگی سوزلاوچیسی محمداشرف حقشناسنینگ بوگون (۱۰-اسد/۱-اگست، شنبه)، بیر بیانیهده یازیشیچه، اوشبو توارلر حیرتان، آقینه، تورغندی و خواف-هرات تیمیر یوللری آرقهلی تاشیلگن.
اونگه کوره، بو مدتده شونینگدیک ایکی مینگ ۸۳۸ تُن توار افغانستان تیمیر یوللری آرقهلی صادر بولگن.
افغانستان تیمیر یوللری، توار تاشیلهدیگن مهم یوللردن بولیب، اسلام امیرلیگی اوتگن بیش ییلده تیمیر یوللرنی قیته توزهتیش و بو توغریده ایشلش بیلن اوشبو یولدن توار تاشیلیش میزانی کوپهیشی اوچون سعیوحرکت قیلگن.
