اسلام امیرلیگی فواید عامه وزیرلیگی رسمیلری، قویاش ۱۴۰۳ ییل گه نسبتن ۱۴۰۴ ییلده افغانستان تیمیر یوللری آرقهلی سودا آلیش-بیریش جریانی ۳۹.۱ فایز آشگنینی معلوم قیلدیلر.
فواید عامه وزیرلیگی سوزلاوچیسی محمداشرف حقشناس، بوگون (۳۰ حمل/۱۹ اپریل، یکشنبه) ایکس صحیفهسیده بیر بیانیه ترقهتیب، اوشبو مقدار یوک افغانستان تورت بندری جملهدن حیرتان، آقینه، تورغندی و خواف-هرات تیمیر یوللری آرقهلی تشیلگنینی بیلدیردی.
بیانیه گه کوره، قویاش ۱۴۰۴ ییلده دییرلی ۶.۱ میلیون متریک تُن توار اوشبو یوللر آرقهلی تشیلگن، عینحالده قویاش ۱۴۰۳ ییلده فقط ۴.۳ میلیون متریک تُن بولگن، بو رقم ۳۹.۱ فایز آشگنینی کورستهدی.
فواید عامه وزیرلیگی سوزلاوچیسی بیانیهسیده، افغانستاندن چیت ایل مملکتلر گه صادر قیلینگن توارلر قوروق میوه، برنج (گوریچ)، کچالو، قیمتبها تاشلر، ترووز تخمی، نخود، مس و انار سووی همده مملکت گه وارد قیلینگن توارلر تیل، گاز، بوغدای، اون، یاغ، سمنت، سرامیک کاشی (کاشی سرامیک)، شکر، بلاست، قاغذ، چسب، قیماق و باشقه آزیق-آوقت همده انشاآت موادلری ایکنلیگی کیلگن.
