چین تشقی ایشلر وزیری گه کوره، بو مملکت ایرته (چهارشنبه، ۱۰حمل) افغانستان و قوشنی مملکتلر تشقی ایشلر وزیرلری نینگ میزبانی دیر. اسلامی امارت رسمیلری نینگ ایتیشلریچه، مذکور ییغین اجنداسی خصوصیده حاضرگچه ییترلیچه معلوماتلری یوق؛ لیکن بو ییغینده اقتصادی و باشقه موضوعلر بحث گه آلینیشینی ایتهدیلر.
خلقارا مسئلهلر ایشلری بوییچه ایش بیلرمانلر افغانستان اوچون اوشبو ییغیننی اونملی دیب ایتیشلریچه، یاردملرنی جلب قیلیش و اقتصادی مسئلهلر گه علاوه، دنیا بیلن تعامل قیلیش موضوعی اوستیگه بحث ایتیلیشی کوتیلهدی.
بیزلرنینگ فیسبوک صحیفهمیزگه باش اورینگ!
خلقارا مسئلهلر بوییچه ایش بیلرمان خپلواک زازی نینگ ایتیشیچه، آمریکا بیلن یقین بولگن مملکتلر بو ییغینده اشتراک ایتمسلیکلری ممکن، اشتراک ایتگن صورتدههم، افغانستان نینگ سیاسی مسئلهلری بارهسیده آمریکا تامانیدن راضیلیک کورسهتیش لری ممکن.
اونگه کوره، اسلامی امارت برابرلیکنی نظر گه آلیشی کیرهک؛ چونکه چین بو گَل ییغینلرنی اوتکزیش بیلن، آمریکا و باشقه رقیبلری گه قدرتینی کورسهتیشنی ایستهیدی. باشقه تاماندن، اقتصادی مسئلهلر تحلیلچیلریدن بولمیش محبالله شریف، بو ییغیننی اقتصادی نقطهی نظردن افغانستان اوچون اونملی بیلهدی.
اونگه کوره، نه فقط چین بلکه قوشنی برچه مملکتلر، ینگی حکومت بیلن مناسبت برقرار ایتیش مقصدیده سعی و حرکت قیلماقدهلر.
جناب شریف نینگ ایتیشیچه، چین افغانستان نینگ خام مادهلری گه قول تاپیب و افغانستان چین نینگ توارلری بازاری گه اوزگریشنی ایستهیدی.
اونگه کوره، مذکور ییغینده، اقتصادی مسئلهلر گه قوشیمچه، خوفسیزلیک و استخباراتی مسئلهلر بحث گه آلینیشی ممکن. اوتگن کونی مطبوعاتی ییغینده اشتراک ایتگن چین تشقی ایشلر وزیری، افغانستان قوشنی اولکهلری نینگ ایکینچی ییغینی، ایکی کون چهارشنبه و پنجشنبه اوتکزیلیشینی ایتگن ایدی.
او، چین دنیا همجمعیتدن افغانستاننی قوللب قوتلش گه دقت قیلیب و آمریکا قوشمه ایالتلریدن، افغانستان نینگ اقتصادیاتینی قیته قوریش مسئولیتینی بوتونلی زمهسیگه آلیش اوچون ترغیب قیلیشینی تأکید ایتگن.
عینحالده اسلامی امارت سوزلاوچیسی نینگ اورین باسری بلال کریمی گه کوره، چین افغانستان بیلن یخشی همکار بولگنی باعث، بو ییغین افغانستان اوچون اهمیتلی دیر.
اونینگ کوپهیتیریشیچه، اوشبو ییغین آجنداسی و اشتراک ایتهدیگنلر بارهسیده اولر گه معلومات بیریلمهگن.
بیزلرنینگ توییترده هم تعقیب قیلینگ!
اوشبو ییغین بارهسیده تشقی ایشلر وزیرلیگی نینگ فکر-ملاحظهسینی اورگهنیش اوچون تلاش قیلدیک، لیکن اوتمیشلر کبی جواب بیرمهدیلر.
ایتیش کیرهک که، چین تشقی ایشلر وزیرلیگی، بو ییغینده آمریکا نینگ نمایندهسی اشتراک ایتمسلیگینی ایتگن و بوندن آلدین ترقهلگن گزارشلر اساسیده، چین ییغینیده هندوستان تشقی ایشلر وزیری تکلیف قیلینمهگن.