افغانستان قوشنی مملکت‌لری تشقی ایشلر وزیرلری نینگ اوچینچی دور ییغینی ایرته چین میزبان‌لیگی بیلن اوشبو مملکتده یولگه قوییلیشی ممکن. بو ییغین ایکی کون دوام تاپیشی کوتیله‌دی.
چین تشقی ایشلر وزیرلیگی بیر خبرنامه ترقه‌تیب ایتیشیچه، مذکور ییغینده افغانستان قوشنی اولکه‌لری نینگ تشقی ایشلر وزیرلری‌دن تشقری، قطر و اندونیزیا تشقی ایشلر وزیرلری مهمان اوله‌راق اشتراک ایتیش‌لری ممکن.
بیزلرنینگ فیسبوک صحیفه‌میزگه باش اورینگ!
خبرنامه‌دن نقل قیلینیشیچه، بو ییغینده اسلامی امارت تشقی ایشلر وزیرلیگی نینگ سرپرستی امیرخان متقی هم چقیریلگن. بو ییغینده آمریکا تشقی ایشلر وزیرلیگی نینگ افغانستان تینچلیگی اوچون مخصوص نماینده‌سی توماس وِست هم اشتراک ایتیشی کوتیله‌دی.
چین تشقی ایشلر وزیری وانگ یی نینگ ایتیشیچه، مذکور ییغینده عمومی برقرارلیک، افغانستان اهالی‌سینی قوللب قوتلش و باشقه مسئله‌لر بحث گه آلینیشی ممکن. اونینگ کوپه‌یتیریشیچه، افغانستان باره‌سیده کوپراق بحث ایتیلیشی گه امیدوار دیر.
شونینگدیک چین تشقی ایشلر وزیری نینگ اورغولشیچه، افغانستانده سیاسی توزوم، ایچکی و خلق‌ارا تدبیرلی و برابرلیک سیاست‌لردن قوللنیش و ترورچی‌لیککه قرشی کوره‌ش، اوشبو ییغینده بحث گه آلینه‌دیگن موضوع‌لردن عبارت دیر.
بیزلرنینگ توییترده هم تعقیب قیلینگ!
او، چین دنیا همجمعیت‌دن افغانستان‌‌نی قوللب قوتلش گه دقت قیلیب و آمریکا قوشمه ایالت‌لریدن، افغانستان نینگ اقتصادی قیته قوریش مسئولیتینی بوتونلی زمه‌سیگه آلیش اوچون ترغیب قیلیشینی تأکید ایتگن.
ایتیش کیره‌ک که افغانستان قوشنی مملکت‌لری تشقی ایشلر وزیرلری نینگ بیرینچی ییغینی پاکستان میزبان‌لیگی و ایکینچی ییغینی ایران میزبان‌لیگی بیلن اوتکزیلگن ایدی.
