ایران تشقی ایشلر وزیرلیگی نینگ اعلام قیلیشیچه، افغانستان نینگ ۶ قوشنی مملکتی کیله‌سی هفته چهارشنبه کونی، افغانستان ده قنده‌ی بیر همه‌شمول دولت تشکیل ایتیلیشی اوچون، ییغین یولگه قویه‌دی.
ایران تشقی ایشلر وزیرلیگی سوزلاوچیسی سعید خطیب‌زاده، بوگون خبری بیر ییغینده ایتیشیچه، مذکور ییغین بو مملکت پایتختی تهران ده یولگه قوییله‌دی.
جناب خطیب‌زاده نینگ کوپه‌یتیریشیچه، اشتراکچیلر مذکور حضوری ییغینده شرکت قیله‌دیلر. مذکور ییغین ایران، ترکمنستان، اوزبیکستان، تاجیکستان، پاکستان و چین تشقی ایشلر وزیری نینگ شرکتی بیلن یولگه قوییله‌دی. ایران تشقی ایشلر وزیرلیگی سوزلاوچیسی گه کوره، بو ییغین مجازی شکلده یولگه قوییلگن بیرینچی ییغین نینگ دوامیده یولگه قوییله‌دی.
بیزلرنینگ فیسبوک صحیفه‌میزگه باش اورینگ!
شونینگدیک سعید خطیب‌زاده نینگ اورغولشیچه، بو ییغین نینگ اصلی موضوع‌سی، افغانستان ده همه‌شمول دولت تشکیل ایتیلیشی، تینچلیک، برقرارلیک و امنیت تأمین‌لنیشی گه یاردم بیریش دیر.
اونینگ ایتیشیچه، افغانستان قوشنی مملکت‌لری، کیله‌جک دولت ده برچه قوم‌لرنینگ حضوری و شرکت قیلیشی نی کوتیب تورگن. عین حالده، اونینگ اورغولشیچه، افغانستان نینگ قضیه‌سی ملی دیر و هردایم ملی بیرشکلده تعقیب قیلینگن.
