افغانستان قوشنی مملکت‌لری نینگ تشقی ایشلر وزیرلری ییغینی ایران باشکنتی تهران ده یولگه قویلماقده. اوشبو ییغین ایران جمهور رئیسی سیدابراهیم رئیسی تامانیدن افتتاح ایتیله‌دی و بیرلشگن ملتلر تشکیلاتی نینگ باش کاتبی آنتونیو گوترش بو ییغین خصوصیده پیام ترقه‌تیشگه قرار قیلگن.
اوتگن کونی ایران تشقی ایشلر وزیرلیگی سوزلاوچیسی سعید خطیب‌زاده، مذکور ییغینده افغانستانده هرتامانلمه دولت تشکیل ایتیلیشی، تینچلیک‌نی تامین‌لشگه یاردم بیریش و ثبات کیلتیریش خصوصیده بحث ایتیلیشیدن خبر بیرگن ایدی. اوشبو بیر کون‌لیک ییغینده ایران، ترکمنستان، اوزبیکستان، تاجیکستان و پاکستان مملکت‌لری نینگ تشقی ایشلر وزیرلری حضور تاپیب و چین و روسیه تشقی ایشلر وزیرلری آنلاین شکلده اشتراک قیله‌دی.
مذکور ییغینده اسلامی امارت دن دعوت قیلینمه‌گن. بو افغانستان قوشنی مملکت‌لری نینگ ایکینچی ییغینی دیر. سابق ییغین ۱۷-سنبله ده پاکستان میزبانلیگی اساسیگه آنلاین شکلده یولگه قوییلگن ایدی.
افغانستان قوشنی مملکت‌لری، اسلامی امارت نینگ رسمیت‌گه تانیمه‌گن بیرحالده، بو ییغین یولگه قوییلگن. اوشبو مملکت‌لر بوندن آلدین اسلامی امارت‌نی رسمیت گه تانیش اوچون بیرقطار شرط لر جمله‌دن هرتامانلمه دولت تشکیل ایتیلیشی، مذهبی و قومی اقلیت‌لرگه حرمت ایتیلیشی نی بیان قیلگن ایدی.
