پاکستان ده افغانستان‌لیک مهاجرلر نینگ قولگه آلینیش ینگی تولقینی دوامیده، مذکور مملکت پایتختی اسلام‌آباد ده افغانستان ایلچیخانه‌سی مسئوللری نینگ ایتیشلریچه، ایکی هفته ایچیده پاکستان نینگ اوچ شهری ن قانونی حجت‌لری بولگنلر شامل افغانستان‌لیک ۷۰۰ مهاجر قولگه آلینگن.
اسلام‌آباد ده افغانستان ایلچیخانه‌سی سرپرستی سرداراحمد شکیب نینگ سلام‌وطندار گه ایتیشیچه، حاضرگچه پاکستان نینگ کراچی شهری دن افغانستان‌لیک ۵۰۰ و ۶۰۰ مهاجر، اسلام‌آباد و راولپندی شهرلریدن باشقه ۲۰۰ مهاجر قولگه آلینگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «یالغیز اوتگن کونی اسلام‌آباد ده افغانستان‌لیک ۲۰۰ مهاجر قولگه آلیندی و اولردن ۱۲۱ ته‌سی نینگ کارتی و ۳۴ ته‌سی نینگ ویزه‌لری بار. ایلچیخانه و مهاجرلر نماینده‌لری نینگ سعی‌وحرکتی بیلن حجت‌لری بولگنلر قوییب یوباریلدی.»
اسلام‌آباد ده افغانستان ایلچیخانه‌سی سرپرستی گه کوره، افغانستان‌لیک مهاجرلر نینگ قولگه آلینیش جریانینی توخته‌تیش اوچون پاکستان عالی محکمه‌سی گه مکتوب یوللـب و مذکور نهاد دن مهاجرلر مسئله‌سینی سیاسی قیلمسلیگینی طلب قیلگنلر.
سرداراحمد شکیب نینگ کوپه‌یتیریشیچه: «مهاجرلر قیینچیلیگی باره‌سیده ایلچیخانه تامانیدن پاکستان نینگ عالی محکمه‌سی گه بیر مکتوب یوباردیک و افغان‌لر نینگ قیینچیلیگی حقیده ایضاح کیریتگن‌میز، مهاجرلرنی قولگه آلینیش جریانی ایکی مملکت مناسبتی اوستیگه سلبی تأثیر قیلگن و بو مسئله هیچ بیر تامان نینگ منفعتی گه ایمس.»
پاکستان ده افغانستان‌لیک مهاجرلردن بیرقطاری نینگ ایتیشلریچه، قولگه آلینیش جریانی کوپه‌یگن. اسلام‌آباد ده افغانستان‌لیک مهاجرلردن ظریفه نجاتی و هاجره مرادی نینگ سلام‌وطندار گه ایتیشلریچه، قولگه آلینیش دن قورقیب ییگولیک ماده‌لرینی تأمینلش اوچون یاشیرینچ طرزده بازار قیله‌دیلر.
بیزلرنینگ توییترده هم تعقیب قیلینگ!
ظریفه نجاتی نینگ ایتیشیچه: «بیز دنیا همجمعیت امیدی گه بو ییر گه کیلگن‌میز، افسوس بیلن بو ییرده هم قالیش امیدی‌میز یوق و قیتیش امیدی‌میز هم. بیر تاماندن کمبغل‌لیک زیریکتیرگن و باشقه تاماندن قورقینچ تهدیدی.»
هاجره مرادی گه کوره: «ویزه‌م یوق، اوی دن چیقه آلمه‌ی من، قیینچیلیگی‌میز کوپ. اوغری کبی بازار قیله‌میز. ایشانینگ حاضر کسل من؛ بیراق شفاکار آلدی گه باره آلمه‌ی من.»
ایتیش کیره‌ک که، قریب ایکی هفته آلدین پاکستان وقتینچه‌لیک حکومتی باش وزیری، مدرک‌سیز برچه مهاجرلرنی قولگه آلیب و چیقریش‌لریدن آگاه‌لنتیرگن ایدی.
