ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده کرونا ویروسیگه چلینگنلردن 17 تهسی دنیا دن اوتگن.
بوگون “شنبه” ساغلیقنی سقلش وزیرلیگی نینگ بیر گزارش آرقهلی ایتیشیچه، اوتگن بیر کیچه و کندوز ده کرونا ویروسیگه شبههلی 1 مینگ و 123 کیشی دن آلینگن نمونهلر سیناودن اوتکزیلگن و بو جمله دن 80 تهسی نینگ نتیجهسی ایجابی اثابتلنگن.
ساغلیقنی سقلش وزیرلیگی تامانیدن نشر قیلینگن گزارشده ایتیلیشیچه، مذکور مدتده کرونا ویروسیگه چلینگنلردن 75 تهسی درمانلنگن. گزارش گه کوره، کرونا ویروسی نینگ ینگی ایجابی واقعهلری مملکت 8 ولایتیده قید ایتیلگن.
اوشبو وزارت تامانیدن بیریلگن آمارلرگه کوره، کرونا ویروسی چیقگنیدن حاضرگهقدر مملکت بوییچه 50 مینگ و 536 کیشی بو ویروسگه چلینگن و بو جملهدن 2 مینگ و 54 تهسی دنیا دن اوتیب و باشقه 38 مینگ و 536 تهسی درمانلنگن دیر.
ایتیلیشیچه، دنیا بوییچه 76 میلیون و 71 مینگ کیشی کرونا ویروسیگه چلینگن و بو جملهدن بیر یریم میلیون و 682 مینگ کیشی دنیا دن اوتیب و باشقه 53 میلیون و 335 مینگ کیشی درمانلنگن دیر.
