افغانستان و پاکستان آره‌سیده‌گی کیلیشماوچیلیک‌لر ایریم پیت‌لر بو ایکی مملکت آره‌سیده‌گی چیگره یاپیلیشی گه سبب بوله‌دی. بو قیینچیلیک‌لر دوامیده، ۲۳-جدی، شنبه کونی، ایرته‌لب دن باشلب حاضرگه قدر تورخم چیگره‌سی یوک تاشووچی موترلر یوزی گه یاپیلگن.
تورخم ده‌گی یوک تاشووچی کمپنیه‌لر دن بیری نینگ مسئولی ظریف اکاخیل بو خصوصده سلام‌وطندار گه ایتیشیچه، بو چیگره یاپیق قالیشی اولر نی ایش‌لری اوستیگه سلبی تاثیر قویگن.
او نینگ کوپه‌یتیریشیچه: «بیز حاضر پاسپورت آلگنمیز ده بیر یا که ایکی ییل کوتیشی‌میز کیره‌ک شونی اوچون هیداوچیلریمیز گه پاسپورت آلیش گه قادر ایمس‌میز همده ویزه تیزلیک بیلن آلالمه‌یمیز. بو ایسه بیز نی ایشی‌میز نی جدی توسیق لیک‌لر گه دوچ قیلگن.»
بیزلرنینگ فیسبوک صحیفه‌میزگه باش اورینگ!
بونگه قوشیمچه، تورخم چیگره‌سی آچیلیشی نی کوتیب تورگن بو چیگره ده‌گی هیداوچیلر دن جمال‌خان نینگ سلام‌وطندار گه ایتیشیچه: «یول یاپیلیشی بیلن کوپلب قیینچیلیک‌لر گه دوچ بوله‌میز، ایریم پیت چیگره بو تامانیگه و ایریم پیت‌لر ایسه چیگره او تامانیگه توخته تیله‌میز. ایلگری آی ایکی مراتبه باریب کیلر ایدیک لیکن حاضر بیر مراتبه باریب کیله‌میز.»
تورخم چیگره‌سیده هیداوچیلر دن اسحاق شینواری گه کوره: «سکیز کوندن بویان شو ییرده قالگن‌میز.، اوتگن کیچه چیگره یاپیلدی بیز جدی قیینچیلیککه دوچ بولگن‌میز.»
شونده‌ی بیرحالده، اقتصادی ایش بیلرمان‌‌لر دن بیری، تورخم چیگره‌سی یاپیق قالیش دوامینی افغانستان زیانی گه دیب ایتیشیچه: «تورخم چیگره‌سی یاپیق قالیشی کوپراق افغانستان زیانی گه دیر، چونکه افغانستان کوپینچه نرسه‌لرینی کراچی بندرگاهی دن آلیب کیله‌دی، تورخم یاپیق قالگن تقدیرده بیزنی سوداگرلریمیز زیان کوره‌دیلر.
بیزلرنینگ «ایکس» ترماغی ده هم تعقیب قیلینگ!
باشقه تاماندن، صناعت و سوداگرلیک وزیرلیگی تورخم چیگره‌سیدن توارلرنی انتقال بیریش قیینچیلیک‌لر اساسی شکلده حل ایتیلیشی اوچون سعی‌وحرکت قیله‌یاتگنلریدن ایشانچ بیره‌دی.
صناعت و سوداگرلیک وزیرلیگی نینگ سوزلاوچیسی عبدالسلام جواد آخوندزاده گه کوره: «تورخم چیگره‌سیده‌گی قیینچیلیک حلی ایتیلیشی اوچون تلاش قیله‌یپمیز، بیز ایسته‌یمیز تجارتی‌میز پاکستان شامل باشقه مملکت‌لر بیلن قانونی بولسه.»
ایتیش کیره‌ک، افغانستان و پاکستان آره‌سیده‌گی کیسکین‌لیک‌لر باعث اوتگن میلادی ییل ده افغانستان نینگ پاکستان گه بولگن صادرات رقمی انچه آزه‌یگن.
