مالیه وزیرلیگی سرپرستی خالد پاینده، اوتگن هفته نماینده‌لر کینگشی نینگ عمومی ییغینیده کونده ۸ میلیون دالر گمرک‌لردن اوغیرلنه‌دی دیگن ایدی.
جناب پاینده، فسادگه عیب‌لنگن کیشی‌لرنینگ کیم‌لیکلرینی نماینده‌لر کینگشی ییغینیده فاش قیلیشینی بیلدیرگن ایدی، لیکن فاش قیلمه‌گن.
عین‌حالده، نماینده‌لر کینگشی اعضالریدن بیرقطاری نینگ تاکید قیلیش‌لریچه، گمرک‌لرده فساد ده عیب‌لنگن کیشی‌لرنینگ نام‌لرینی فاش ایتیلیشی کیره‌ک.
نماینده‌لر کینگشی عضوی جماالدین فکوری بهشتی نینگ ایتیشیچه، ملت وکیل‌لریدن بیرقطارینی گمرک‌لرده بولگن فسادلرده قول‌لری بار و مالیه وزیرلیگی سرپرستی‌گه مجلس ییغینیده حضور تاپیش اوچون رخصت بیرمه‌یدیلر.
نماینده‌لر کینگشی باشقه بیر عضوی خالد اسد نینگ ایتیشیچه، مالیه وزیرلیگی سرپرستی بونده‌ی بیانات‌لری بیلن بوتون نظام نی سوراق آُستیگه قرار بیرگن و ییلده ۳ میلیارد دالرنی کیم‌لر کیسه‌سیگه کیتیشی‌نی بیللی ایتیلیشی کیره‌ک.
اونینگ ایتیشیچه، کونده ۸ میلیون دالرنینگ اوغیرله‌نیشی اونملی بیر موضوع دیر و بو مسله‌نی جدی شکلده تیکشیریلیشی لازم.
عین‌حالده، نماینده‌لر کینگشی عضوی شاپور احمدزی نینگ ایتیشیچه، میررحمان رحمانی میلیاردلرگچه دالرگه تیل وارد قیله‌دی، بیراق مذکور تیل نینگ چیت‌ایللیک‌لرگه انتقال بیریلیشی بهانه‌سی بیلن دولت‌گه مالیه بیرمه‌یدی.
اونینگ کوپه‌یتیریشیچه، میررحمان رحمانی «تی آر اس» تیل شرکتی بیلن شریک دیر و اوشبو شرکت تیل تانکرلری نینگ اوت بیریش‌گه عیب‌لنگن.
جناب شاپور نینگ ایتیشیچه، نماینده‌لر کینگشی هیاتی بو مسله‌نی تیکشیرگن، لیکن جناب رحمانی تیکشیریش نتیجه‌سینی کینگشی عمومی ییغینی بیلن شریک ایتیلیشی‌گه رخصت بیرمه‌گن.
شاپور احمدزی ادعالری خصوصیده نماینده‌لر کینگشی باشلیغی میررحمان رحمانی نینگ فکرینی آلیش اوچون سعی و حرکت قیلدیک، لیکن موفق بولمه‌دیک.
