ایچکی ایشلر وزیرلیگی نینگ ایتیشیچه، ترافیک و گمرکلر ریاست‌لری نینگ ۱۰ ایشلاوچیسی مالی و اداری فساد قضیه‌لری حقیده عیبله‌نیب قولگه آلینگن.
مذکور وزیرلیک بوگون (شنبه ۲- حوت) بیر خبرنامه ترقه‌تیب ایتیشیچه، مذکور کیشیلر بو وزیرلیک نینگ آغیر جرم‌لرگه قرشی کوره‌ش ریاست پولیس‌لری نینگ ریجه‌لنگن بیر عملیاتی نتیجه‌سیده کابل شهریده اوشلب آلینگن.
خبرنامه اساسیده، مذکور کیشیلر پول‌لرنی تالان ایتیش، ناقانونی پول آلیش و وظیفه‌لریدن ناقانونی فایده‌لنیش خصوصیده عیب‌لنگن.
شونینگدیک بو خبرنامه‌ده ایتیلیشیچه، ترانسپورتی شرکت‌لرنینگ ایگه‌لری ایچکی ایشلر وزیری محمدمسعود اندرابی بیلن اوتکزگن صحبتی و اولرنینگ شکایتی نتیجه‌سیده بو کیشیلر قولگه آلینگن. مذکور سوزلشوو اوتگن هفته پنج‌شنبه کونی صورت تاپگن ایکن.
