جمهور رئیس بیرینچی اورین باسری امرالله صالح و ملی خوفسیزلیک مصلحتچیسی حمدالله محب نمایندهلر کینگشی نینگ جواب قیتهریش ییغینیگه بارمهگن.
نمایندهلر کینگشی نینگ قراریگه کوره، جمهور رئیس بیرینچی اورین باسری امرالله صالح و ملی خوفسیزلیک مصلحتچیسی حمدالله محب، ملی خوفسیزلیک ریاستی باشلیغی، ملی مدافعه و ایچکی ایشلر وزیرلیگی نینگ سرپرستلری مملکتده ناتینچلیکلر کوپهیشی، کابل بیلیم یورتی و کوثر تعلیمی کورس اوستیگه اویوشتیریلگن هجوملر خصوصیده جواب قیتهریش اوچون نمایندهلر کینگشی تامانیدن چقیریلگن ایدیلر، لیکن جناب صالح و محب حاضر بولمهگنلر.
جمهورلیک ریاستی بیرینچی اورین باسرلیک دفتری تامانیدن، نمایندهلر کینگشیگه یوباریلگن نامه ده: «جمهور رئیس بیرینچی اورین باسری کون موضوعی بیللی بولگن حالده، کینگش ده ایضاحلر و استنادلر قانونگه کوره بولیب و مناسب همده اصولی تشریفاتلر نظرگه توتیلگن حالده، ییغینگه حظور تاپیشی ممکن»
عینحالده، مملکت ملی خوفسیزلیک مصلحتچیسی حمدالله محب نینگ پیامی، نمایندهلر کینگشی نینگ باشلغی میر رحمان رحمانی تامانیدن کینگش اعضالریگه اوقیلدی.
محب جنابلری نینگ ایتیشیچه، بیللی بیر آجندا بولگن صورتده، جواب قیتریش اوچون نمایندهلر کینگشیگه حضور تاپهدی.
بیراق، نمایندهلر کینگش اعضالریدن بیرقطاری نینگ ایتیشلریچه، مدافعه و ایچکی ایشلر وزیرلیگی و ملی خوفسیزلیک ریاستی نینگ صلاحیتلری، ملی خوفسیزلیک کینگشی و جمهورلیک ریاستی بیرینچی اورین باسرلیگیگه انتقال بیریلگن.
نمایندهلر کینگشی اعضالری اوتگن هفته “چهارشنبه” کونی مملکت ده ناتینچلیکلر کوپهیگنی سبب، جمهورلیک ریاستی بیرینچی اورین باسری امرالله صالح، ملی خوفسیزلیک مصلحتچیسی حمدالله محب، ایچکی ایشلر و مدافعه وزیرلیگی سرپرستلری و ملی خوفسیزلیک ریاستی باشلیغینی جواب قیتریش اوچون چقیریلیشیگه قرار قیلگن ایدی.