جمهورلیک ریاستی بیرینچی اورین باسری نینگ ایتیشیچه، کابل پولیس حوزه‌لری نینگ جنایی آمرلریدن سیناو آلینیشی ممکن. بو ایشدن مقصد اولرنینگ مهارت و بیلیم سطح نی بیللی قیلیش دیر.
بوگون “چهارشنبه” جمهورلیک ریاستی بیرینچی اورین باسری امرالله صالح نینگ فیسبوک صحیفه‌سیده یازیشیچه، اوتمیش‌لرده دولت اداره‌لر آره‌سیده باش قاره‌لاوچیلیک اداره‌سی نینگ جنایتچی‌لر بیلن قانونگه کوره یول بارمه‌یشیدن تنقید ایتیلگن.
جناب صالح نینگ کوپه‌یتیریشیچه، دولت نینگ تیکشیریش‌لریگه کوره، پولیس و حتا ملی خوفسیزلیک قطاریده کشف، تیکشیریش و محاکمه دن درک قیلیش ظرفیتی بولمه‌گن کیشی‌لر بار دیر. جمهورلیک ریاستی بیرینچی اورین باسری‌گه کوره، دستلبکی گزارش‌لر اساسی‌گه قاره‌لاوچیلیک نی اجراات گه قادر قیله‌دیگن معیارلر صورت تاپمه‌یدی.
امرالله صالح نینگ کوپه‌یتیریشیچه، پولیس حوزه‌لری نینگ جنایی آمرلریدن سیناو آلیش جریانی باش قاره‌لاوچیلیک هیاتی تامانیدن صورت تاپه‌دی و بو برنامه‌نی امنیتی میثاققه شامل بولگن باشقه ولایت‌لرده هم عملی ایتیلیشی ممکن.
جناب صالح نینگ ایتیشیچه، عدالت نینگ ایکینچی زنجیری امنیت بوگن و عدلی نهادلر نینگ عین صحیفه ده بولیشی و نامناسب فضانی اورته دن آلیب کیتیش ده امیدوارلیک بیلدیرگن.
جمهور رئیس بیرینچی اورین باسری، ایکی کیشی‌لیک موترسایکل خصوصیده اشاره ایتیب ایتیشیچه، اوتگن ۲۴ ساعت جریانیده ایکی کیشی‌لیک یوزلرچه موترسایکل کابل شهریده فلج ایتیلگنیدن.
جناب صالح، کابل یشاوچی‌لریدن موترسایکل گه ایکی کیشی مین مسلیگی نی سوره‌گن.
جمهور رئیس نینگ بیرینچی اورین باسری، بوندن نیچه کون آلدین، کابل شهریده یوزبیرگن هدف‌لی ترورلر نینگ یوزده ۹۰ فایزی ده ایکی کیشی تامانیدن مینیله‌دیگن موترسایکل‌لر نینگ قولی بولگنی نی بیلدیرگن ایدی.
جناب صالح نینگ ایتیشیچه، بوندن بویان سندسیز موترسایکل‌لر مصادره بوله دی و ایکی کیشی‌لیک موترسایکل تروریست تهدیدی کوزی بیلن کورینه دی.
جناب صالح سوزلری دوامیده، سونگی کونلرده کابل ده پارتلش رقمی آرتگنی خصوصیده اشاره ایتیب، ایرته مقناطیسی ماین‌لرنی کابل یشاوچی‌لری نینگ موترلریگه جایلشتیره دیگن کیشی نینگ ویدیوسی نشر بولیشی نی بیلدیرگن ایدی.
جمهور رئیس بیرینچی اورین باسری نینگ سوزیگه کو ره، اوشبو ویدیونی نشر قیلیش دن هدف، خلق گه معلومات بیریش و خلق نی آدم اولدیروچیلر برابریده بیرلشتیریش بولگن.
جناب صالح، ویدیو نشر بولگنیدن کیین، خلق نینگ معلوماتی کوپه یب و بوتون خلق کونگللی امنیتی کوچلرگه اوزگریشده امیدوارلیک بیلدیرگن.
