کابل-لوگر قتناویول هیداوچیلری و یولاوچیلریدن قطاری نینگ ایتیشلریچه، قویاش ینگی ییل باشلهنیشی بیلن مذکور ولایت مرکزی پلعلم شهری و قطار تومنلریده ریجهلنگن قتللر و قوراللی اوغیرلاوچیلیک میزانی کوپهیگن.
پلعلم یشاوچیلری نینگ ایتیشلریچه، یالغیز اوتگن نیچه هفتهده بو شهر ده ۳ تینچاهالی شامل ۵ کیشی ناتانیش قوراللی کیشیلر آرقهلی اولدیریلگن. اولر امنیتی کوچلردن ریجهلنگن قتللر و بوزمهکار کیشیلرنینگ فعالیتی نی آلدینی آلیشی نی سورهشگن.
لوگر یشاوچیلریدن بیری رحیمالله نینگ ایتیشیچه: «پلعلم شهری و قتناویوللر کوپ ناتینچ دیر. یالغیز اوتگن بیر هفتهده ۵ کیشی ناتانیش قوراللی کیشیلر آرقهلی اولدیریلگن و بو توغریده هیچ کیم قولگه آلینمهگن.»
لوگر مدنی فعاللریدن بیری محمدالله نینگ ایتیشیچه، اوتگن هفتهلرگه نسبتن ناتینچلیکلر و ریجهلنگن قتللر کوپهیگن و اهالیدن کوپینچهسی اینیقسه سوداگرلر پلعلم شهریده کیتیب-کیله آلمهیدیلر.
لوگر پولیس قومندانی فیضالله غیرت سلاموطندار بیلن صحبت اوتکزیب، بو ولایتده ناتینچلیک و ریجهلنگن قتللر کوپهیگنی نی تصدیقلب ایتیشیچه، امنیتی کوچلر پلعلم شهری و بو ولایت نینگ باشقه ناتینچ بولیملری نینگ خوفسیزلیگی نی تأمینلش اوچون حرکت قیلماقده.
جناب غیرت لوگر یشاوچیلریدن، خوفسیزلیک تأمینلنیشی اوچون امنیتی کوچلر بیلن همکارلیک قیلیشلرینی سورهگن.
شونینگدیک لوگر حاکمی عبدالقیوم رحیمی پلعلم شهری و بو ولایت قطار قتناویوللریدهگی ناتینچلیکلرنی تن آلیب ایتیشیچه، ناتینچ بولیملرنینگ خوفسیزلیگی تأمینلنیشی اوچون ینگی امنیتی پوستهلر ایجاد قیلینیشی ممکن.
ایتیش کیرهک کیم اوتگن نیچه هفته جریانیده بیر صراف شامل ۲ تینچاهالی ریجهلنگن ترورلر نتیجهسیده یرهلنتیریلیب و شونینگدیک بو صراف نینگ ۱.۵ میلیون افغانیسی اوغیرلنگن.