لوگر خوفسیزلیک مسئوللری نینگ ایتیش‌لریچه، اوشبو ولایت‌ده یوز بیرگن اَیری واقعهلرده، بیر عیال شامل اوچ کیشی هلاک بولگن.
لوگر امنیه قوماندانلیگی سوزلاوچیسی احمد‌الله انس نینگ سلام‌وطندار گه ایتیشیچه، اوشبو ولایت مرکزی پل‌علم شهری نینگ «حصارک» و «التمور» منطقه‌لریده، ناتانیش قوراللی کیشی‌لر اَیری واقعهلرده بیر هیداوچی و باشقه بیر کیشی نی اولدیرگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بوگون ایرته‌لب پل‌علم شهری اطرافیده «دهنۀ ریگ» منطقه‌سیده یوز بیرگن باشقه بیر واقعه‌ده، ۳۰ یاشر بیر عیال نابیللی بیر شکلده اولدیریلگن.
جناب انس گه کوره، عیال نینگ اولدیرگن کیشی قولگه آلینگن و خوفسیزلیک کوچلر باشقه واقعه‌لر گه تیگیشلی تحقیق قیلماقده‌لر.
پل‌علم شهری «التمور» منطقه یشاوچیسی خیال‌نبی نینگ سلام‌وطندار گه ایتیشیچه، اوتگن کون شام چاغی ناتانیش قوراللی کیشی‌لر «خدای‌دوست» ناملی کیشی نی اولدیریب و ساحه‌دن قاچگنلر.
بیزلرنینگ توییترده هم تعقیب قیلینگ!
باشقه بیر تاماندن، پل‌علم یشاوچیلریدن باشقه بیری نورالله نینگ ایتیشیچه، اوتگن کون شام چاغی قوراللی کیشی‌لر «ابراهیم» ناملی بیر هیداوچی نی اویی برابریده اولدیریب و ساحه‌دن قاچگنلر.
سونگی کون‌لرده لوگر ده جنایی واقعه‌لر کوپه‌یگنی بیرحالده، اوشبو حادثه‌لر یوز بیرگن. عین حالده، مذکور ولایت یشاوچیلری اسلامی امارت‌دن بو کبی واقعه‌لردن توسیق بولیش‌لری نی ایسته‌یدیلر.
