لوگر حاکمی عبدالقیوم رحیمی، طالبان نینگ چرخ تومنی بو گروه قولیگه سقوط قیلگنی توغریسیدهگی ادعاسینی رد قیلیب ایتیشیچه، بو تومن ادارهسی امنیتی کوچلرنینگ قولیگه دیر.
جناب رحیمی گه کوره، چرخ تومن بناسی نی اصلی ییری گه «دبر» منطقهسیده انتقال بیرگنلر.
بوندن آلدین طالبان سوزلاوچیلریدن بیری ذبیحالله مجاهد، بو گروه جنگریلری چرخ تومنی نی نظارتگه آلگنلرینی ادعا قیلگن ایدی.
شونینگدیک مدافعه وزیرلیگی بیر خبرنامه ترقهتیش بیلن، بو تومن مرکزی طالبان قولیگه سقوط قیلگنی نی رد قیلگن.
مذکور وزیرلیک نینگ خبرنامهسیده کیلیشیچه، چرخ تومن یشاوچیلری نینگ ایستهگی اساسیده، «آب گرم» منطقهسیدهگی بیر مکتب یقیینلیگیده قرار تاپگن مذکور تومن بناسینی، باشقه بیر منطقه ده انتقال تاپیشی گه قرار قیلینگن.
خبرنامه نینگ کوپهیتیریشیچه، چرخ تومنی بوتونلی امنیتی کوچلرنینگ نظارتی گه دیر و اونینگ سقوط قیلگنی توغریسیدهگی ادعالر ناتوغری دیر.
لوگر حاکمی عبدالقیوم رحیمی نینگ کوپهیتیریشیچه، اوتگن کون امنیتی کوچلر و طالبان گروهی آرهسیده بیر آتیشمه یوز بیردی کیم نتیجهده، طالبان گروهی گه تلفات ییتیشدی. اونگه کوره، مذکور آتیشمهده امنیتی کوچلردن بیری جان بیرگن.
شوندهی بیرحالده، ۲۰۳ تندر قول اردو قومندانلیگی سوزلاوچیسی ایمل خان مومند نینگ ایتیشیچه، اوتگن کون طالبان گروهی نینگ بو تومندهگی گروهی هجومی دفع قیلینگن و امنیتی کوچلر و طالبان گروهی آرهسیده یوزبیرگن آتیشمهده ۲ طالب هلاک و باشقه ۶ طالب ایسه یرهلنگن.
بیراق محل یشاوچیلریدن قطاری نینگ ایتیشلریچه، اوتگن کون یوز بیرگن آتیشمهده ایکی تینچاهالی هلاک و باشقه ۸ کیشی ایسه یرهلنگن.
لوگر محلی مسئوللری چرخ تومنیده تینچاهالی تلفاتی توغریسیده هیچ بیر نرسه دیمهگن.