لوگر محلی رسمی‌لری نینگ ایتیش‌لریچه، قوراللی طالبان مذکور ولایت مرکزی پل‌علم شهری و شونینگدیک بو ولایت نینگ قطار تومن‌لریده قشاق عایله‌لرگه ملی دسترخوان برنامه‌سی آرقه‌لی یاردم ایتیش پروسه‌سینی توختتگن.
لوگر حاکمی نینگ کوپه‌یتیریشیچه، قشاق عایله‌لرگه ملی دسترخوان آرقه‌لی یاردم ایتیش پروسه‌سی نینگ قیته باشله‌نیشی اوچون سعی و حرکت‌لرنی دوامی بار.
باشقه بیرتاماندن پلم‌علم شهری و قطار تومنلرنینگ قشاق یشاوچی‌لری قوراللی طالبان دن بو برنامه عملی ایتیلیشی اوچون رخصت بیریش‌لرینی سوره‌شگن. اولرنینگ کوپه‌یتیریش‌لریچه، حاضر لوگر ولایتیده مینگ‌لرچه عایله تورلی قیینچلیکلر باعث عاجل یاردم گه محتاج دیر.
بیراق طالبان ملی دسترخوان یاردم‌لری نینگ ترقه‌تیش پروسه توخته‌تیلگنی سببی نی بو برنامه‌ده کینگ فساد بارلیگی دیدی. طالبان سوزلاوچی‌لریدن بیری ذبیح‌الله مجاهد نینگ سلام‌وطندارگه ایتیشیچه، ملی دسترخوان برنامه‌سی دولتی ایشلاوچیلرنینگ کینگ فسادی باعث توخته‌تیلگن و بو یاردم‌لر قشاق و محتاج عایله‌لرگه ترقه‌تیلمه‌یدی.
ملی دسترخوان برنامه‌سی جمهوررئیس نینگ بویروغی بیلن کمیده ایکی آی آلدین باشلندی و لوگر ولایتیده ۱۰۰ میلیون افغانی بهاسی گه ۳۲ مینگ قشاق عایله گه یاردم ایتیلیشی گه قرار قیلینگن ایدی.
