هلمند ولایتی ایکینچیلریدن قطاری شکایت قیلیب ایتیشلریچه، اوشبو ولایت‌ده تازه میوه و سبزهوات اوچون موزخانه یوقلیگی سبب، محصوللری نینگ خراب بولمه‌سلیگی اوچون، آز قیمت بیلن ساتیش گه مجبورلر.
مذکور ایکینچیلر نینگ سلام‌وطندار گه ایتیشلرچه، موزخانه یوقلیگی، ایکینچیلیک محصولات اوچون ییترلی بازار یوقلیگی و باشقه ولایت‌لر گه موسومی محصولات نینگ ییتیشمه‌سلیگی، هلمند ولایتی ایکینچیلری نینگ مالی زیان‌لر بیلن روپه‌ره قیلگن قیین‌چیلیک‌لردن دیر.
بیزلرنینگ فیسبوک صحیفه‌میزگه باش اورینگ!
هلمند ولایتی مارجه تومنی ایکینچیلریدن بیری سید‌ولی نینگ ایتیشیچه، محصوللری نینگ کیله‌سی موسوم‌گچه سقلش ایسته‌یدی؛ بیراق موزخانه یوقلیگی سبب، محصوللری خراب بوله‌دی.
اونگه کوره: «ایکی سیر پمیدار ۳۰-۳۵ افغانی دیر. موزخانه موجود بولگنی صورت‌ده، محصوللری میز نی باشقه موسوم گه سقله‌ر ایدیک. حاضر اهالی بیر خلته پمیدار آلگنی صورت‌ده، اوچ یا-ده تورت کونگچه ییترلی دیر. هر خلته قاره بادنجان نرخی حتا ۸-۱۰ افغانی گه ییتیشگن که بو رقم هیچ فایده قالمه‌یدی.»
شونینگدیک اوشبو ولایت نادعلی تومنی ایکینچیلریدن عبدالجبار نینگ ایتیشیچه، بازار و موزخانه یوقلیگی سبب، کوپینچه قیین‌چیلیک بیلن روپه‌ره بولیب و زیان کورگن. «بامیه، پمیدار و بادرنگ ایککن‌مین، بیراق محصول‌لریمیز باشقه ولایت‌لر گه آلیب باریلمه‌یدی. بو ییرده هم بازار گه آلیب کیلگنی‌میز پیتده، ساتیلمه‌یدی و قیته اوی گه آلیب بارگنی‌میز صورت‌ده، اولر نینگ سقلش اوچون بیر ییر یوق که، بو رقم برچه‌سی زیان دیر.»
شونده‌ی بیرحالده، هلمند مرکزی لشکرگاه شهری‌ده تازه میوه و سبزهوات ساته‌دیگنلر نینگ ایتیشلریچه، باشقه موسوم‌لرده افغانستان ده تازه میوه و سبزوات بولمه‌گنی اوچون باشقه مملکت‌لردن وارد بوله‌دیگن تازه میوه و سبزهوات نرخی یوقاری دیر؛ بیراق ایکینچیلر محصوللری نینگ توپله‌شلری پیتده، فایده قولگه کیلتیرمه‌ی و کوپینچه پیت، زیان قیله‌دیلر.
بیزلرنینگ توییترده هم تعقیب قیلینگ!
هلمند مرکزی لشکرگاه شهریدهگی دکان‌دارلردن فیض‌الله نینگ ایتیشیچه: «پمیدار، بادرنگ، قاره بادنجان، بامیه، پیاز و اوزوم کبی میوه و سبزهوات موسومی کیلگنی چاغیده، محصول‌لر هیچ بیر ییر گه عرضه بولمه‌یدی و ایکینچیلری‌میز محصوللری نی سقلش اوچون موزخانه لری هم یوق.»
شونینگدیک لشکرگاه شهریدهگی دکان‌دارلردن باشقه بیری احمد‌الله نینگ ایتیشیچه: «حاضر ایسه سبزهوات قیمتی جوده‌یم ارزان دیر، ایکی سیر قاره بادنجان ۲۰-۳۰ افغانی دیر، بیراق پاکستان دن کیله‌دیگن قاره بادنجان نینگ چارکی ۵۰-۶۰ افغانی بوله‌دی که، اونی ۶۰-۷۰ افغانی ساته‌میز. شونینگدیک پاکستان دن کیله‌دیگن بیر چارک بامیه هم ۱۸۰ افغانی گه ییتیشه‌دی، لیکن هلمند ده بیر سیر بامیه ۶۰ افغانی دیر.»
شونده‌ی بیرحالده، هلمند محلی مسئوللری، مذکور ولایت‌ده ایکینچیلر و دکان‌دارلر قیین‌چیلیگی خصوصیده ایتیشلریچه، ایکینچیلیک بولیمی قیین‌چیلیک‌لری نینگ آلدی آلینیشی اوچون سعی و حرکت‌لر باشلنگن.
هلمند معلومات و مدنیت ریاستی اورین‌باسری محمد‌قاسم ریاض نینگ ایتیشیچه: «هلمند ولایتی اداره‌سی اوشبو ولایت دهقان‌لری نینگ قیین‌چیلیگی نی درک قیله‌دی. هلمند نینگ تورلی‌خیل دولتی اداره‌لری نیچه مرته خصوصی بولیم‌لر بیلن صحبت قیلگن. بیر امید بار که، دهقان‌لر محصولی گه بازار تاپیلیب و اولر گه موزخانه ایجاد بولسه.»
ایتیش کیره‌ک که، نیچه ییل‌دن بویان ایکینچیلر اوچون موزخانه ایجاد بولیشی خصوصیده سوز بیریلیب و حاضرگچه هیچ بیر ایش صورت تاپمه‌گنی بیرحالده، هلمند ده‌گی ایکینچیلر تازه میوه و سبزهوات بهاسی و صادراتی خصوصیده شکایت قیلگنلر.
