جوزجان یشاوچیلریدن قطاری نینگ ایتیش‌لریچه، اوشبو ولایت مرکزی شبرغان شهریده پیاز نرخی، اوتمیش ییل گه قره‌گنده سکیز برابر کوپه‌یگن دیر.
جوزجان یشاوچیلری گه کوره، اوشبو ولایت‌ده ستندرد موزخانهلر یوق‌لیگی سبب، تولید بولگن پیازلر توپلنیب و بسته‌بندی بولگنی‌دن کیین، پاکستان گه آز نرخ گه صادر بوله‌دی که اوندن سونگ، افغانستان ده یوقاری نرخ بیلن ساتیله‌دی.
بیزلرنینگ فیسبوک صحیفه‌میزگه باش اورینگ!
جوزجان یشاوچیلریدن نجیب‌الله نینگ ایتیشیچه: «جوزجان ده موزخانه یوق و شونینگدیک کونده اوشبو ولایت‌دن پاکستان گه پیاز انتقال تاپه‌دی. انه شوو سبب، بیر سیر پیاز ۳۰۰ و ۳۵۰ افغانی کوپه‌یگن و مردم در به در بولگن.»
جوزجان یشاوچیلریدن باشقه بیری عطا‌محمد نینگ ایتیشیچه: «بو اهالی نینگ ضرری گه دیر. اوتمیش ییل بیر سیز پیاز ۴۰ یا-ده ۵۰ افغانی ایدی؛ بیراق بو ییل ایسه ۳۰۰ الی ۳۲۰ افغانی بولگن که حاضرگجی شرایط‌ده، اهالی ایش‌سیزلیک و اقتصادی قیین‌چیلیک بیلن روپه‌ره بولگنی بیرحالده، حتی بیر کیلو پیاز هم آلالمه‌یدی. اسلام امیر‌لیگی‌دن دهقان‌لر زیان کورمه‌ی و پیازلر نینگ درست بیر شکلده ساتیلیشی اوچون بو توغریده توجه قیلیش‌لری نی ایسته‌میز.»
شونده‌ی بیرحالده، جوزجان ایکینچی‌لیک، سووغاریش و چاروه‌چلیک ریاستی مسئوللری نینگ ایتیش‌لریچه، بو ییل پیاز حاصلاتی کوپه‌یشی بیلن، اونینگ نرخی هم کوپه‌یگن دیر.
جوزجان ایکینچی‌لیک، سووغاریش و چاروه‌چلیک ریاست رئیسی عبادالله انصار، پیاز نرخی کوپه‌یگنی نی تصدیق‌لب ایتیشیچه، اوشبو ولایت‌ده ستندرد موزخانهلر نینگ توزه‌تلیشی خصوصیده سعی و حرکت قیلماقده.
بیزلرنینگ توییترده هم تعقیب قیلینگ!
جناب عبادالله انصار نینگ کوپه‌یتیریشیچه: «موزخانه توزه‌لگنی پیتده، خارج گه پیاز و باشقه سبزهواتلر انتقال تاپمه‌یدی و سبزهواتلر ضرورت وقتی‌ده ساتیله‌دی.»
عین حالده، جوزجان ولایتیده ستندرد موزخانه یوق‌لیگی سبب، مذکور ولایت‌ده‌گی دهقان‌لر کوپینچه زحمت بیلن آز درآمد قولگه کیلتیره‌دیلر.
