قیش موسومی نینگ ییتیب کیلیشی بیلن ییگولیک ماده‌لر بهاسی نینگ کوپه‌یگنی، غور ولایتی یشاوچیلری نینگ خواطرلنتیرگن.
شونده‌ی بیرحالده، غور ولایتی نینگ «الندر» منطقه یشاوچی‌سی ۳۸ یاشر عبدالکریم، ییگولیک ماده آلیش اوچون فیروز کوه شهری گه بارگن. اونینگ ایتیشیچه، دستلبکی ماده‌لر بهاسی نینگ کوپه‌یگنی سبب، ییگولیک ماده آلیش گه کوچی ییتیشمه‌یدی.
اونینگ کوپه‌یتیریشیچه: «شهر ایچیدن حاضر بیر بوجی برنج نی ۳۳۰۰ افغانی ساتیب آله‌میز، بیر بوجی اون نی ۲۷۰۰ افغانی ساتیب آله‌میز و حاضر ایسه شهر ایچیده بیر کیلو پیاز ۵۰ افغانی بولگن. دوکان‌لر گه مراعت قیلنگ دیگنی‌میز پیتده، اکه ییگولیک ماده‌لر نینگ کیتیره‌دیگن موتر نینگ کرایه‌سی کوپ و انه شوو سبب بیزلر گه قیمت توشه‌دی دیه‌دی. شونینگدیک دولت هم بو توغریده توجه قیلمه‌یدی.»
بیزلرنینگ فیسبوک صحیفه‌میزگه باش اورینگ!
شونینگدیک غور یشاوچیلریدن قطاری عبدالکریم کبی ییگولیک ماده‌لر بهاسی نینگ کوپه‌یگنیدن خواطر بیلدیریب و حکومت‌دن ییگولیک ماده‌لر بهاسی نینگ کنترول بولیشی نی ایسته‌گنلر.
غور یشاوچیلریدن احمدشاه نینگ ایتیشیچه: «بو ییرده دولت بولسه پس نیگه نرخ‌گذارلیک قیلمه‌یدی؟ نیگه فقیر و نادار کیشی‌لر نینگ قیین‌چیلیک‌لری نی حل قیلمه‌یدی؟ حاضر بیر کیشی بیر سیر کچالو نی ۱۲۰ افغانی و باشقه بیری ایسه ۱۳۰ افغانی ساته‌دی و باشقه بیری ایسه ۱۷۰ افغانی. بوتون نرخ‌لر نینگ کنترول بولیشی کیره‌ک. حاضر ۲۷۰۰ گه بیر بوجی اون نی کیم آلاله‌دی؟ مین قشاق بیر کیشی بیر بوجی آلیش گه کوچی‌م ییتیشه‌دی می؟»
شونده‌ی بیرحالده، غور محلی مسئوللری نینگ ایتیش‌لریچه، اوشبو ولایت‌ده ییگولیک ماده‌لر ساتیلیشی اوچون نرخ‌نامه تعین قیلمه‌گنی بیرحالده؛ بیراق بیر قطاری غور محلی نهاد‌لر بیلن هماهنگ‌لیکده قیمت ساته‌دیگن دوکان‌دارلردن توسیق بولیش اوچون سعی و حرکت قیله‌دیلر.
غور بلدیه‌سی نینگ مطبوعاتی آمری میر‌احمد شعیب گه کوره: «بیر نرخ‌نامه توزه‌لیشی اوچون سعی و حرکت‌لر بار و ان‌شاءالله دستلبکی ماده‌لر نینگ قیمت ساته‌دیگنلردن توسیق بولیش اوچون بیر کمیسیون توزه‌تیلیشی خصوصیده سعی و حرکت نینگ دوامی بار. نرخ‌نامه توزه‌تیلگنیدن کیین، هر کیم اوز یوره‌گی گه نرخ قویه آلمه‌یدی و برچه بیر نرخ‌ده ساته‌دیلر.»
بیزلرنینگ توییترده هم تعقیب قیلینگ!
بیراق غور ولایتی‌ده ییگولیک ماده ساته‌دیگنلر نینگ ایتیش‌لریچه، دالر بهاسی نینگ و یوک تاشووچی موترلر نینگ کرایه‌سی کوپه‌یگنی باعث، ییگولیک ماده‌لر نی قیمت ساتیش گه مجبورلر.
ییگولیک ماده ساته‌دیگنلردن عبدالغنی نینگ ایتیشیچه: «یول خراب، قیش کیلگن قار و یامغیر بار و انه شوو سبب، اوتمیش‌ده بیر سیر نینگ کرایه‌سی ۱۶ افغانی ایدی؛ بیراق حاضر ایسه غور ولایتی گه بیر سیر نی ۲۵ افغانی کیتیره‌دیلر. مثلا کابل‌دن کیتیرگنی‌میز پیتده، بیر سیر ۲۵ افغانی ایدی؛ حاضر ایسه ۳۵ افغانی بولگن. بیر جنس نی کیتیرگنی‌میز پیتده کرایه نی نظر گه آلیب ساتیشی‌‌میز کیره‌ک.»
غور ولایتی‌ده سوداگرلر و دوکان‌دارلر سوداگرلیک توارلر نی کابل و هرات‌دن وارد قیله‌دیلر که، قیش موسومی نینگ ییتیب کیلیشی بیلن، غور ولایتی نینگ بازارلریدن نرخ‌لر کوپه‌یدی.
