ننگرهار صناعتی شهرچهسیدهگی تولیدی کارخانهلردن قطارینینگ مسئوللری، سوو و برق تقچیلیگی، یوللر بوزوقلیگی و تولیدی توارلری اوچون بازار یوقلیگیدن شکایت قیلهدیلر.
اولرنینگ ایتیشلریچه، بیر کیچه و کوندوزده یالغیز ۱۰ ساعت برقدن فایده آلهدیلر که انه شوو سبب، ایش پروسهلری قیینچیلیککه دوچ کیلیب و مالی زیان کورگنلر.
ننگرهار ده شیخمصری صناعتی شهرچهسیده تاووق ایتینی تولید قیلهدیگن کارخانه مسئولی سیال ساپینینگ ایتیشیچه، خصوصی سکتور رواجلنیشی اوچون بو بولیمدهگی قیینچیلیکلرنینگ حل بولینیشی کیرهک. اونینگ کوپهیتیریشیچه: «روپهره بولگنیمیز بویوک قیینچیلیکلر برق تقچیلیگی، سرکلر بوزوقلیگی، اطفائیه و کسلخانه یوقلیگی دیر.»
بیزلرنینگ فیسبوک صحیفهمیزگه باش اورینگ!
شونینگدیک اوشبو ولایتده چاروهلر ییمی و تاووق دانهسینی تولید قیلهدیگن کارخانه مسئولی کامران اکبرینینگ ایتیشلریچه: «قیینچیلیگیمیز سرکلر بوزوقلیگی و برق تقچیلیگی دیر که، ۲۴ ساعتده ۱۰-۱۲ ساعت برقیمیز بار. صناعتی پارکلریمیزنینگ محافظت قیلووچی دیوارلری یوق؛ شهری خذمتلر سیستملرینینگ یرهتیلیشینی ایستهیمیز که ایشلاوچیلر قولی بیر شکلده کیلیب-کیتسین.»
شوندهی بیرحالده، اقتصادی ایش بیلرمانلردن قطارینینگ ایتیشلریچه، جمعیتده ایش فرصتلرینینگ یرهتیلیشی خصوصیده، سرپرست حکومت خصوصی سکتور اوچون کوپینچه آسایشتهلیکلرنینگ یرهتیشی کیرهک.
بو توغریده اقتصادی ایش بیلرمان اسدالله احمدزینینگ ایتیشیچه: «ایش فرصتلری یرهتیلیشی اوچون خصوصی سکتوردن حمایت بولینیشی کیرهک، چونکه خصوصی سکتور ایشسیزلیک گرافینی کمهیتیرهدی و اقتصادی ترقیاتگه تاثیری بار. حکومتنینگ بو توغریده توجه قرهتیشی جودهیم اونملی دیر.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، ننگرهار صناعت و سوداگرلیک ریاستی صناعتی پارکلر مدیری شاکرالله استانکزینینگ ایتیشیچه، سرپرست حکومت خصوصی سکتور اوچون کیرهکلی آسایشتهلیکلرنینگ یرهتیلیشیگه متعهد دیر. اونگه کوره، حاضر ایسه ننگرهار دهگی برچه تولیدی کارخانهلر گه ییر ترقهتیلیب و اولردن قطاریگه سرکلر هم قوریلگن.
ننگرهار صناعت و سوداگرلیک ریاستینینگ صناعتی پارکلر مدیری گه کوره: «ننگرهار ده ۱۵۰ کارخانه فعال دیر. برچه کارخانه گه ییر ترقهتیلگن و سرکلردن قطاری هم قوریلگن و بیر قطاری قوریلماقده. شونینگدیک اوشبو کارخانهلرده مینگلرچه کیشی ایش بیلن شغللنگن.»
اسلام امیرلیگی مسئوللری بوندن آلدین هم، افغانستان ده خصوصی سکتور توغریسیده سرمایه یاتقیزیش اوچون ییترلی آسایشتهلیکلر یرهتیلیشیگه سعیوحرکت قیلیشلرینی ایتگنلر.