ننگرهار کانال ریاستی‌ده مسئوللر نینگ سلام‌وطندار گه ایتیشلریچه، جاری ییل جریانیده «زیتون ننگرهار» یاغ ایشلب چیقریش ایش‌خانه‌سی ۱۸۹ مینگ لیتر زیتون یاغی نی ایشلب چیقریشی ممکن.
ننگرهار کانال ریاستی سوزلاوچیسی سیدهمایون غریب‌مل نینگ ایتیشیچه، ننگرهار زیتون یاغی نی ایشلب چیقریش ایش‌خانه‌سی ۸۰۰۰ تُن زیتون یاغی و ترشی ایشلب چیقریش امکانیتی گه ایگه بولیب و اینگ یقین‌ده اونینگ تولید امکانیتی نینگ کوپه‌یتیریلیشی گه قرار آلینگن.
بیزلرنینگ فیسبوک صحیفه‌میزگه باش اورینگ!
جناب غریب‌مل نینگ کوپه‌یتیریشیچه: «زیتون یاغی و ترشی ایشلب چیقریش ایش‌خانه‌سی یقین مملکت‌لرده هم یوق. اوشبو ایش‌خانه‌ده ۴۱ کیشی ایش بیلن شغللنگن و بو ایشخانه نینگ برچه بولیم‌لری گه جدی توجه قره‌تیلیشی خصوصیده برنامه‌میز بار.»
ننگرهار کانال ریاستی سوزلاوچیسی نینگ کوپه‌یتیریشیچه، زیتون باغ‌لری گه اختصاص بیریلگن ۶۰۰ هکتار ییردن، اوتگن ییل ۴۱ مینگ لیتر زیتون یاغی و ۱۲ تُن ترشی قولگه کیلگنی بیرحالده، جاری ییل‌ده ۱۸۰ مینگ لیتر زیتون یاغی و ۳۰ تُن ترشی قولگه کیلیشی ممکن.
فارم حده ساحه‌سیده ۲۷.۵ جریب ییرده قوریلگن ننگرهار زیتون یاغی نی ایشلب چیقریش ایش‌خانه‌سی، آچار-ترشی و زیتون یاغی نی ایشلب چیقریش بولیم‌لریده فعالیت قیله‌دی.
ننگرهار زیتون یاغی نی ایشلب چیقریش ایشخانه ایشلاوچیسی میرآقا حمیدی نینگ ایتیشیچه، اوشبو ایشخانه آچار-ترشی تولید قیلیش بولیمی‌ده ایدیش (بوتل) کم‌لیگی قیین‌چیلیگی بیلن روپه‌ره دیر.
اونینگ کوپه‌یتیریشیچه: «بو ییرده ایکی بولیمی‌میز بار. بیرته‌سی یاغ و بیرته‌سی ایسه ترشی ایشلب چیقریش دیر. بو ییرده ۴۱ کیشی ایشله‌یدی که اوچ ته‌سی اداری و باشقه‌سی ایسه فنی بولیم‌ده ایشله‌یدیلر.»
اقتصادی ایش بیلرمان‌لری نینگ ایتیشلریچه، سرپرست حکومت تولیدی ایش‌خانه‌لر نینگ ایجاد قیلیش و اولر خصوصیده سرمایه یاتقیزیش بیلن، یشاوچیلر گه ایش زمینه‌سی نی یره‌تیب و ایچکی تولیدلر میزانی نینگ کوپه‌یتیریشی کیره‌ک.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لریدن اسد‌الله احمدزی نینگ ایتیشیچه: «بو یخشی بیر اقدام، بو ایش بیلن خارجی تولیدلر آلدی آلینه‌دی و باشقه بیر تاماندن اهالی گه ایش زمینه‌سی یره‌تیله‌دی.»
عین‌حالده، ننگرهار کانال ریاستی نینگ معلوماتی اساسیده، آلتی سنه آلدین «وادی ننگرهار» لایحه ایشی باشلنیشی بیلن، اوشبو ولایتده تورت فارم‌ده اوچ مینگ ۱۰۰ هکتار ییر زیتون باغ‌لری گه اختصاص بیریلگن ایدی؛ بیراق ایچکی اوروش‌لرده بیر مینگ ۳۸۰ هکتار زیتون باغ‌لری بوزیلگن.
