جوزجان ده بیر کارخانه، هر کونی ۱۲ تُن کونجوت و چیگیت یاغی ایشلب چیقره‌دی. اوشبو کارخانه مسئولی بازمحمد نینگ سلام‌وطندار گه ایتیشیچه، مذکور کارخانه ده هر کونی ۱۲ دن ۱۳ تُن کونجوت یاغی ایشلب چیقریله‌دی و پاکت‌لنگندن کیین باشقه ولایت‌لر حتی چیت ایل اولکه‌لر گه صادر ایتیله‌دی.
اونگه کوره، مذکور فابریکه قوریلیشی بیلن ۴۰ کیشی ایش بیلن تأمینلنگن و اوشبو فابریکه نینگ ایش قووتینی اوچ برابر کوپه‌یتیریش مقصدیده سعی و حرکت قیلینماقده.
بازمحمد نینگ کوپه‌یتیریشیچه: «بیرینچی ماشین‌نی چین دن اوچ آی ایچیده آلیب کیلدیک و قوندیریلیشی دن بیر ییل اوتماقده و قندوز ولایتیدن هم بعضی ماشین‌لرنی آلیب کیلگن‌میز و باشقه ینگی ماشین‌لرنی کیلتیرگن میز و قوندیریلماقده که هر بیری کونجوت، زغیر و چیگیت یاغینی ایشلب چیقره‌دی، فلتر دن کیین بوشکه‌لر گه آلیب بازار گه ساته‌میز.»
بیزلرنینگ فیسبوک صحیفه‌میزگه باش اورینگ!
اوشبو فابریکه نینگ تخنیکی و باشقه ایشلاوچیلریدن بیرقطاری گه کوره، مذکور فابریکه ده ایشلش بیلن اقتصادلری یخشی‌لنگن و بو ییرده‌گی ایشلری بیلن عایله اعضالری نینگ خرجتینی تأمینله‌یدیلر.
کارخانه ایشلاوچیلریدن محمد کریم نینگ ایتیشیچه: «اوللری احوالیم چتاغ ایدی حاضر یخشی بولگن، باله‌لریم مکتب و مدرسه ده درس اوقیدیلر، بو ییرده ایش باشله‌گنیمدن بویان احوالیم یخشی بولگن.»
جوزجان ایکینچیلیک، چاوره‌چیلیک و سوغاریش مسئوللری نینگ ایتیشلریچه، بو گَل فابریکه‌لر قوریلیشی بیلن ولایت یشاوچیلری ایش بیلن تأمینلنیب و ناقانونی مهاجرت‌لر کمه‌یشیگه سبب بوله‌دی.
جوزجان ایکینچیلیک، چاروه‌چیلیک و سوغاریش باشلیغی عبادالله انصار گه کوره، بو کبی فابریکه‌لر قوریلیشی، دهقان‌لرنی ایکینچیلیک ایشلری گه کوپراق ترغیب قیله‌دی.
بیزلرنینگ توییترده هم تعقیب قیلینگ!
او سوداگرلر و سرمایه یاتقیزووچیلردن، مملکت آبادانچیلیگی اوچون ایشلب چیقریش فابریکه‌لرنی قوریش خصوصیده سعی و حرکت قیلیش‌لرینی طلب قیله‌دی.
عبادالله انصار گه کوره: «بوندن کیین دهقان‌لر نینگ محصولات‌لری اوی ده قالمه‌یدی، پخته نی بازار گه و چیگیت نی ایسه فابریکه گه ساته‌دیلر، کونجوت و زغیرنی فابریکه آلیب کیلیب ساته‌دیلر، سوداگرلر و سرمایه یاتقیزوچیلر بو گَل ایشلرنی قوریش مقصدیده سعی و حرکت قیلیش‌لری کیره‌ک.»
برچه‌سی بیلن، اقتصادی ایش بیلرمان‌لردن بیرقطاری، اولکه ده سیاسی و نظامی کتته اوزگریش دن کیین، تولیدی فابریکه‌لر قوریلیشینی مهم و مثبت دیه بهاله‌یدیلر.
