جوزجان ده‌گی دهقان‌لردن بیرقطاری نینگ ایتیشلریچه، عایله‌لری نینگ اقتصادینی حلال یول دن تأمینلش اوچون کوکنار اورنیده پخته ایکه‌دیلر.
جوزجان ایکینچیلیک، سوغاریش و چاروه‌چیلیک مسئوللری گه کوره، اوشبو ولایتده‌گی دهقان‌لر پخته ایکیش گه یوز کیلتیریشگن.
یوزلب جریب ییرده پخته ایککن جوزجان دهقان‌لریدن قطاری، کوکنار گه نسبتن پخته حاصلی یخشی، باشقه‌لرنی بوتوغریده ترغیب قیلیش اوچون سمینارلر اوتکزیلیشی کیره‌ک دییشه‌دی.
بیزلرنینگ فیسبوک صحیفه‌میزگه باش اورینگ!
دهقان‌لردن بیری غلام نبی گه کوره، بیرین_کیتین قورغاقچیلیک و سوو تنقیص‌لیگیگه قره‌مسدن پخته ایکینی گه یوز کیلتیریب و اوشبو یول آرقه‌لی عایله‌لری نینگ اقتصادینی تأمینله‌یدیلر.
اونینگ کوپه‌یتیریشیچه، پخته نینگ یخشی درآمدی بولیشیگه قوشیمچه، قشاق کیشی‌لر گه ایش فرصتی یره تیله‌دی.
جوزجان ایکینچیلیک، سوغاریش و چاروه‌چیلیک ریاست مسئوللری نینگ ایتیشلریچه، دهقان‌لر اوز ایکین‌لریدن یخشی حاصل آلیش اوچون زمانه‌وی اسلوب‌لرنی نظرگه آلگنلر.
جوزجان ایکینچیلیک، سوغاریش و چاروه‌چیلیک باشلیغی عبادالله انصار گه کوره، اوتگن ییل گه نسبتن بو ییل پخته ایکینی کوپه‌یگن و اوشبو ولایت نینگ دهقان‌لری پخته ایکینیدن خورسندلر.
بیزلرنینگ توییترده هم تعقیب قیلینگ!
جناب انصار نینگ کوپه‌یتیریشیچه، مذکور ولایت یشاوچیلری کوپراق ایکینچیلیک و چاروه‌چیلیک بیلن عایله‌لری نینگ خرجتینی تأمینله‌یدی، اسلام امیرلیگی شمال گدامی نینگ ایکینچیلیک بولیمیده آست قورمه و ترقیاتی پروژه‌لرنی تطبیق ایتیش مقصدیده سعی و حرکت قیلماقده.
باشقه تاماندن، دهقان‌لر ایکینچلیک، سوغاریش و چاروه‌چیلیک وزیرلیگیدن، دهقان‌لر اوز محصولات‌لریدن یخشی درآمد قیلیش اوچون، پخته نی پروسس قیلیش ماشین قوندیریشنی طلب قیله‌دیلر.
