هلمند ولایتی نینگ مرکزی لشکرگاه شهری ده ۷۲ میلیون افغانی ارزشی ده، پخته ایشلب چیقریش بیر ایشخانه ایشگه باشله‌گن. مذکور ایشخانه بوگون فعالیت گه باشله‌گن، ۲۴ ساعت ایچیده ۶۰ تُن پخته نی پروسس قیله‌دی.
مذکور ایشخانه مسئولی غلام‌محمد نینگ ایتیشیچه، اوشبو ایشخانه ده خالص پخته، یاغ، صابون و کنجاره ایشلب چیقریله‌دی و شونینگدیک ۱۰۰ کیشی گه ایش شرایطی یره‌تیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «۷۲ میلیون افغانی سرمایه یاتقیزگنمن و قریب ۱۰۰ کیشی بو ییرده بیز بیلن ایشله‌یدی. اوشبو ایشخانه ۲۴ ساعت ده ۶۰ تُن خام پخته نی پروسس قیله‌دی.»
اوشبو ایشخانه ایشلاوچیلریدن قطاری نینگ ایتیشلریچه، بوندن کیین ایش اوچون باشقه مملکت‌لر گه سفر قیلمه‌یدیلر.
مذکور ایشخانه ایشلاوچیلریدن عبدالاحمد نینگ ایتیشیچه: «بو ییرده ایشلگنیمدن جوده هم خورسند من. بیکار ایدیک و بو ییرده بیز گه ایش شرایطی یره‌تیلدی.»
مذکور ایشخانه ایشلاوچلریدن باشقه بیری نصیر گه کوره: «بو ییرده یالغیز مین ایمس، بلکه کوپ دوست‌لریم ایشله‌یدی. کارخانه فعال بولگن و باشقه‌لر گه ایش شرایطی یره‌تیلیشی ممکن. باشقه سوداگرلردن هم بو گَل ایشخانه قوریش‌لرینی طلب قیله‌من.»
بیزلرنینگ توییترده هم تعقیب قیلینگ!
عین‌حالده، هلمند صناعت و سوداگرلیک باشلیغی عبدالولی هاشمی نینگ ایتیشیچه، تشقریده‌گی سرمایه یاتقیزووچیلر مملکت گه کیلیب سرمایه یاتقیزیش و ایش فرصت‌لرینی یره‌تیش مقصدیده سعی و حرکت قیلماقده‌لر.
هلمند ده اوشبو ایشخانه عین‌حالده فعالیت گه باشله‌گن که سرمایه یاتقیزووچیلر، مملکتده ناتینچ‌لیک و برق یوق‌لیگینی سرمایه یاتقیزیش‌لری اونگیده‌گی اساسی قیینچیلیکلردن عنوان قیله‌دیلر؛ لیکن حکومت رسمی‌لری هردایم بو قیینچیلیکلر حل ایتیلیشیدن ایشانچ بیلدیره‌دیلر.
