هلمند محلی مسئوللری نینگ ایتیش‌لریچه، اوتگن ییل‌لر گه قره‌گنده بو ییل مذکور ولایت‌ده پخته ایکینی کوپه‌یگن دیر.
ایکینچی‌لیک، چاروه‌چیلیک و سووغاریش ریاستی نینگ رواجلنتیریش مدیری محمدنسیم مسلم نینگ سلام‌وطندار گه ایتیشیچه، بو ییل مذکور ولایت‌ده ۱۵ مینگ ۳۰۰ دن آرتیق هکتار ییرده پخته ایکیلگن دیر.
شونده‌ی بیرحالده، اونینگ کوپهیتیریشیچه، بو ییل یامغیر، قوروق‌چیلیک و طبیعی آفت‌لر، پخته محصولات‌لری کمه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
محمدنسیم مسلم نینگ ایتیشیچه: «بو ییل ۱۵ مینگ ۳۷۰ هکتار ییر ده پخته ایکیلگن که اوتگن ییل گه قره‌گنده یخشی حاصل بیرگن. بیراق قوروق‌چیلیک سبب، بو ییل پخته حاصلاتی کمه‌یگن.»
عین حالده، هلمند ایکینچی‌لری نینگ ایشانچ‌لری گه کوره، اسلامی امارت تامانیدن بنگی‌وار ماده‌لری ایکیلیشی منع بولیشی بیلن، اهالی پخته ایکینی گه یوز کیلتیرگن.
اولر نینگ ایتیش‌لریچه، بازار ده پخته قیمتی یخشی بولگنی بیرحالده؛ بیراق ایکینچی‌لر نینگ نیازی بولگن نرسه‌لر قیمتلیگی، قوروق‌چیلیک و بعضی گیاهی آفت‌لر باعث اولر مصرف قیلگن خرجتلرینی چیقره آلمه‌گنلر.
لشکرگاه شهری یشاوچیلریدن محمدحسین نینگ ایتیشیچه: «بو ییل اوتمیش ییل گه قره‌گنده پخته ایکیلشی کوپه‌یگن دیر و شونینگدیک قیمتی هم یخشی دیر. بیراق ینه هم ایکینچی‌لر خره‌جتلری نی پوره قیله آلمه‌یدیلر. چونکه قوروق‌چیلیک، کیمیاوی ماده‌لر نینگ قیمتلیگی و شونینگدیک کسل‌لیک‌لر بهالر نینگ یوقاری کیتیشی گه سبب بولگن دیر.»
بیزلرنینگ توییترده هم تعقیب قیلینگ!
شونده‌ی بیرحالده، هلمند سوداگرلیک اتاق‌لر رئیسسی غلام‌یحیا پشتون نینگ ایتیشیچه، بُست ایشخانه‌سی شامل، اوشبو ولایت‌ده پخته پروسس قیله‌دیگن ۳۵ ایش‌خانه فعالیت قیلماقده دیر.
او نینگ کوپهیتیریشیچه، بو ییل اوشبو ایش‌خانه‌لر پخته محصول‌لرینی پروسس قیلگن صورت‌ده، اوچ ولایت نینگ یاغی، ۸ ولایت نینگ کنجاره‌سی و ۱۰ ولایت نینگ صابونینی تأمینلش‌لری ممکن.
