هلمند شمالی تومن‌لریده اریغ‌لر آرقه‌لی سوغاریله‌دیگن باغ‌لردن بیرقطاری، یوق ایتیلیش عرفه‌سیده قرار تاپگن. اوشبو تومن‌لر یشاوچیلری نینگ ایتیشلریچه، اوتگن اوروش‌لر، اوشبو ییل ده‌گی قورغاقچیلیک و چول‌لرده چقور قودوق‌لر قازیلیشی سبب اریغ‌لر نینگ سووی کمه‌یب و بیرقطار باغ‌لر یوق ایتیلیش عرفه‌سیده قرار تاپگن.
اولر نینگ ایتیشلریچه، باغ ایگه‌لری ییلی ده اوشبو باغ‌لردن ۲۰۰ دن۵۰۰ مینگ افغانی درآمد قیلر ایدیلر؛ لیکن قورغاقچیلیک باعث اوشبو درآمدلر صفر بولگن. هلمند شمالی تومن‌لری محلی مسئوللری نینگ ایتیشلریچه، سوو ۱۰۰دن ۲۰۰ متر پس توشگن.
بیزلرنینگ فیسبوک صحیفه‌میزگه باش اورینگ!
سنگین تومنی یشاوچیسی دین‌محمد نینگ ایتیشیچه: «بو ییرده ۱۰ اریغ موجود دیر که یالغیز اولردن بیرته‌سینی سووی بار. سوو سطحی ۱۰۰ دن ۲۰۰ متر پس توشگن.» نوزاد تومنی یشاوچیسی صابر گه کوره: «نوزاد ده‌گی باغ‌لر عمومن قوریگن. سوونی چقور قازیلگن قودوق‌لر قوریتگن، بوییرده ثمره‌لی باغ‌لر بار ایدی.»
شونینگدیک، هلمند شمالی تومن‌لری محلی مسئوللری نینگ ایتیشلریچه، اوتگن اوروش و اوشبو ییل ده‌گی قورغاقچیلیک سبب، ۱۰۰ ییل‌لیک قدامتی بولگن ۶۰ فایز باغ‌لر یوق بولگن.
سنگین تومنی ایکینچیلیک مدیری عبدالخالق ثانی گه کوره: «سنگین تومنیده‌گی بیر قطار باغ‌لر قوریگن، باغچه‌لر قوریش عرفه‌سیده قرار تاپگن. اهالی اوروش سبب باشقه جای‌لر گه کیتگن ایدیلر و ییرلر صاحب‌سیز قالگن ایدی.»
نوزاد تومنی ایکینچیلیک مدیری محمدنصیر نینگ ایتیشیچه: «۱۰۰ ییل‌لیک قدامتی بولگن باغ‌لر قوریگن. بو ییرده‌گی هر بیر جریب ییر ۵ خروار انار حاصل بیرر ایدی و بیر باغ نینگ درآمدی ۲۰۰ دن ۹۰۰ مینگ افغانی بولر ایدی. ۶۰ فایز باغ‌لر یوق بولگن. مسئوللر یالغیز تیکشیرگن و عملی ایش قیلیشمه‌گن.»
بیزلرنینگ توییترده هم تعقیب قیلینگ!
عین‌حالده، هلمند ایکینچیلیک، چارواچیلیک و سوغاریش مدیری شاه‌محمد گه کوره، اوشبو ولایت نینگ شمالی تومن‌لریده‌گی ۵۰ فایز باغ‌لر یوق ایتیلگن.
اونینگ ایتیشیچه، اوشبو ییل یوق بولگن باغ‌لردن بیرقطارینی قیته‌دن قوریش اوچون سعی و حرکت قیلماقده‌لر.
عین‌حالده، هلمند گه قوشیمچه باشقه بیرقطار ولایت‌لرده سوو پس توشگن و چقور قودوق‌لر قازیلشی سبب کونسه‌یین سوو پس توشماقده که بو موضوع ایکینچیلیکنی قیینچیلیککه روپه‌ره قیلگن.
